Punjab -ਪਾਰਟੀ ਦੀ ਕੋਈ ਹੋਂਦ ਹੀ ਨਹੀਂ, ਤਾਂ ਮੈਨੂੰ ਕਿਸ ਨੇ ਕੱਢ ਦਿੱਤਾ – ਵਿਧਾਇਕ ਕੁੰਵਰ ਵਿਜੇ ਪ੍ਰਤਾਪ ਸਿੰਘ * अगर पार्टी का वजूद ही नहीं है तो मुझे किसने निष्कासित किया – कुंवर विजय प्रताप सिंह
संघोल टाइम्स न्यूज़
1 min read
ਪਾਰਟੀ ਦੀ ਕੋਈ ਹੋਂਦ ਹੀ ਨਹੀਂ, ਤਾਂ ਮੈਨੂੰ ਕਿਸ ਨੇ ਕੱਢ ਦਿੱਤਾ – ਵਿਧਾਇਕ ਕੁੰਵਰ ਵਿਜੇ ਪ੍ਰਤਾਪ ਸਿੰਘ
ਅੰਮ੍ਰਿਤਸਰ/SANGHOL-TIMES/30 ਜੂਨ,2025(ਮਲਕੀਤ ਸਿੰਘ ਭਾਮੀਆਂ) :- ਆਮ ਆਦਮੀ ਪਾਰਟੀ ਤੋਂ ਕੱਢ ਦਿੱਤੇ ਗਏ ਵਿਧਾਇਕ ਕੁੰਵਰ ਵਿਜੇ ਪ੍ਰਤਾਪ ਸਿੰਘ ਨੇ ਕਿਹਾ ਕਿ ਜੇਕਰ ਪਾਰਟੀ ਦੀ ਕੋਈ ਹੋਂਦ ਹੀ ਨਹੀਂ ਹੈ, ਤਾਂ ਮੈਨੂੰ ਕਿਸ ਨੇ ਕੱਢ ਦਿੱਤਾ। ਪਾਰਟੀ ਦੇ ਸੁਪਰੀਮੋ ਸਾਡੇ ਸਾਰੇ ਆਗੂ ਪਹਿਲਾਂ ਹੀ ਚੋਣਾਂ ਹਾਰ ਚੂੱਕੇ ਹਨ। ਪਾਰਟੀ ਤਾਂ ਰਹੀ ਨਹੀਂ ਹੈ। ਹੁਣ ਬਰਖਾਸਤੀ ਦੀ ਕਾਰਵਾਈ ਤੋਂ ਪਹਿਲਾਂ ਪਾਰਟੀ ਨੇ ਉਨ੍ਹਾਂ ਨੂੰ ਇਸ ਸਬੰਧ ਵਿੱਚ ਕੋਈ ਨੋਟਿਸ ਵੀ ਜਾਰੀ ਨਹੀਂ ਕੀਤਾ। ਕੁੰਵਰ ਵਿਜੇ ਪ੍ਰਤਾਪ ਸਿੰਘ ਨੇ ਕਿਹਾ ਕਿ ਉਹ ਅਪਣੀ IPS ਦੀ ਨੌਕਰੀ ਛੱਡਣ ਤੋਂ ਬਾਅਦ ਰਾਜਨੀਤੀ ਵਿੱਚ ਸ਼ਾਮਲ ਹੋਏ ਸਨ। ਉਨ੍ਹਾਂ ਦੀ 9 ਸਾਲ ਦੀ ਸੇਵਾ ਬਾਕੀ ਸੀ। ਉਨ੍ਹਾਂ ਨੇ ਪੰਜਾਬ ਦੇ ਹੱਕਾਂ ਅਤੇ ਸੱਚ ਲਈ ਅਪਣੀ ਨੌਕਰੀ ਛੱਡ ਦਿੱਤੀ ਸੀ। ਵਿਧਾਨ ਸਭਾ ਦੇ ਅੰਦਰ ਅਤੇ ਬਾਹਰ ਉਨ੍ਹਾਂ ਦੀ ਲੜਾਈ ਜਾਰੀ ਰਹੇਗੀ। ਇੱਕ ਵਿਧਾਇਕ ਅਤੇ ਸਮਾਜ ਸੇਵਕ ਹੋਣ ਦੇ ਨਾਤੇ ਉਹ ਇਸ ਲਈ ਲੜਦੇ ਰਹਿਣਗੇ। ਬਰਗਾੜੀ ਮਾਮਲੇ ਵਿੱਚ ਹੁਣ ਤੱਕ ਇਨਸਾਫ ਨਹੀਂ ਮਿਲਿਆ। ਮੁੱਖ ਦੋਸ਼ੀ ਨੇ ਅਪਣਾ ਗੁਨਾਹ ਕਬੂਲ ਕਰ ਲਿਆ ਹੈ। ਇਸ ਦਾ ਜਿਆਦਾ ਦੁੱਖ ਦਿੱਲੀ ਦੇ ਸਾਬਕਾ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਅਤੇ ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਨੂੰ ਹੋਇਆ ਹੈ। ਉਸ ਦਿਨ ਉਪਰੋਕਤ ਦੋਹਾਂ ਆਗੂਆਂ ਦਾ ਇੰਟਰਨੈੱਟ ਮੀਡੀਆ ‘ਤੇ ਖੋਈ ਟਵੀਟ ਨਹੀਂ ਆਇਆ। ਅਰਵਿੰਦ ਕੇਜਰੀਵਾਲ ਨੇ ਕਈ ਵਾਰ ਕਿਹਾ ਸੀ ਕਿ ਕੁੰਵਰ ਵਿਜੇ ਪ੍ਰਤਾਪ ਸਿੰਘ ਦੀ ਜਾਂਚ ਰਿਪੋਰਟ ਦੇ ਆਧਾਰ ਤੇ ਇਨਸਾਫ ਹੋਵੇਗਾ। ਉਹ ਦਿੱਲੀ ਗਏ ਸਨ ਕਿ ਇਨਸਾਫ ਦਿਓ ਹੋਰ ਕੁੱਝ ਨਹੀਂ ਚਾਹੀਦਾ। ਕੁੰਵਰ ਵਿਜੇ ਪ੍ਰਤਾਪ ਨੇ ਇੱਕ ਨਿੱਜੀ ਚੈਨਲ ਨੂੰ ਇੱਕ ਇੰਟਰਵਿਊ ਵਿੱਚ ਕਿਹਾ ਕਿ ਅਰਵਿੰਦ ਕੇਜਰੀਵਾਲ ਅਤੇ ਭਗਵੰਤ ਮਾਨ ਨੇ ਦੋਸ਼ੀਆਂ ਨਾਲ ਸੁਲ੍ਹਾ ਕਰ ਲਈ ਸੀ। ਇਹ ਸਾਰਾ ਪੰਜਾਬ ਜਾਣਦਾ ਹੈ। ਅਸਤੀਫੇ ਦੌਰਾਨ ਉਨ੍ਹਾਂ ਦਾ ਜੋ ਸਟੈਂਡ ਸੀ, ਉਹ ਅੱਜ ਵੀ ਉਹੀ ਹੈ। ਪਰ ਸਾਰਿਆਂ ਨੇ ਅਪਣਾ ਸਟੈਂਡ ਬਦਲ ਲਿਆ। ਕੁੰਵਰ ਵਿਜੇ ਪ੍ਰਤਾਪ ਸਿੰਘ ਨੇ ਕਿਹਾ ਕਿ ਉਨ੍ਹਾਂ ਦੀ 25 ਸਾਲਾਂ ਦੀ ਇਮਾਨਦਾਰੀ ਨੂੰ ਅੱਗੇ ਰੱਖਿਆ ਗਿਆ ਸੀ। ਚੋਣਾਂ ਦੌਰਾਨ ਉਨ੍ਹਾਂ ਦੀ ਫੋਟੋ ਵਰਤੀ ਗਈ ਸੀ। ਮੇਰੇ ਨਾਂਮ ‘ਤੇ ਵੋਟਾਂ ਮੰਗੀਆਂ ਗਈਆਂ ਸਨ। ਪਰ ਜਿੱਤ ਤੋਂ ਬਾਅਦ ਉਨ੍ਹਾਂ ਨੂੰ ਪਾਸੇ ਕਰ ਦਿੱਤਾ ਗਿਆ। ਹੁਣ ਗੈਗਸਟਰ ਜਾਂ ਮਾਫੀਆ ਨਾਲ ਸਟੇਜ ਸਾਂਝੀ ਨਹੀਂ ਕਰ ਸਕਦੇ। ਉਨ੍ਹਾਂ ਨੇ ਗੈਗਸਟਰਾਂ ਅਤੇ ਮਾਫੀਆ ਵਿਰੁੱਧ ਕਾਰਵਾਈ ਕੀਤੀ ਸੀ ਅਤੇ ਹੁਣ ਉਹ ਪਾਰਟੀ ਵਿੱਚ ਸ਼ਾਮਲ ਹੋ ਰਹੇ ਹਨ ਅਤੇ ਉਨ੍ਹਾਂ ਨੂੰ ਧਮਕੀਆਂ ਦੇ ਰਹੇ ਹਨ ਕਿ ਉਨ੍ਹਾਂ ਦਾ ਕੀ ਕਰ ਲਿਆ। ਉਹ ਮਨੀਸ਼ ਸਿਸੋਦੀਆ ਦਾ ਬਹੁਤ ਸਤਿਕਾਰ ਕਰਦੇ ਸਨ। ਉਹ ਉਨ੍ਹਾਂ ਨੂੰ ਇੱਕ ਸੁਲਝਿਆ ਨੇਤਾ ਮੰਨਦੇ ਸਨ। ਸਿਸੋਦੀਆ ਅਪਣੇ ਹੱਥ ਵਿੱਚ ਇੱਕ ਸਵਰਾਜ ਨਾਂ ਦੀ ਇੱਕ ਕਿਤਾਬ ਅਪਣੇ ਹੱਥ ‘ਚ ਫੜਦੇ ਸਨ, ਉਨ੍ਹਾਂ ਕਿਹਾ ਕਿ ਬਹੁਤ ਸਮਾਂ ਪਹਿਲਾਂ ਉਹ ਇਹ ਕਿਤਾਬ ਛੱਡ ਗਏ। ਉਨ੍ਹਾਂ ਕਿਹਾ ਕਿ ਉਹ ਕਹਿੰਦੇ ਸੀ ਕਿ ਸਾਡੇ ਕੋਲ ਕੁੰਵਰ ਵਿਜੇ ਪ੍ਰਤਾਪ ਸਿੰਘ ਵਰਗਾ ਬਹਾਦਰ ਅਫਸਰ ਹੈ, ਤਾਂ ਅਸੀਂ ਛੇ ਮਹੀਨਿਆਂ ਵਿੱਚ ਨਸ਼ਾ ਖਤਮ ਕਰਾ ਦੇਵਾਂਗੇ। ਪਰ ਸਰਕਾਰ ਬੰਨਣ ਤੋਂ ਬਾਅਦ ਨਾਲ ਇੱਕ ਵਾਰ ਵੀ ਨਸ਼ੇ ਦੀ ਲਤ ਬਾਰੇ ਗੱਲ ਨਹੀਂ ਕੀਤੀ। ਅੱਜੇ ਨਸ਼ੇ ਦੀ ਲਤ ਵਿਰੁਧ ਜੰਗੀ ਮਹਿਮ ਇੱਕ ਡਰਾਮਾ ਹੈ। ਸਾਰਿਆਂ ਨੇ ਮਿਲਕੇ ਪਾਰਟੀ ਨੂੰ ਖਤਮ ਕਰ ਦਿੱਤਾ ਹੈ।
—-00—–
