ਦਿੱਲੀ ਦੇ ਕੈਬਨਿਟ ਮੰਤਰੀ ਮਨਜਿੰਦਰ ਸਿੰਘ ਸਿਰਸਾ ਨੇ ਕਿਹਾ,”ਪੰਜਾਬ ਨੂੰ “ਪੁਲਿਸ ਰਾਜ” ‘ਚ ਬਦਲਣ ਦੀ ਕੋਸ਼ਿਸ਼ *दिल्ली के कैबिनेट मंत्री मनजिंदर सिंह सिरसा ने कहा, “पंजाब को “पुलिस राज” में बदलने का प्रयास”

ਦਿੱਲੀ ਦੇ ਕੈਬਨਿਟ ਮੰਤਰੀ ਮਨਜਿੰਦਰ ਸਿੰਘ ਸਿਰਸਾ ਨੇ ਕਿਹਾ,”ਪੰਜਾਬ ਨੂੰ “ਪੁਲਿਸ ਰਾਜ” ‘ਚ ਬਦਲਣ ਦੀ ਕੋਸ਼ਿਸ਼

ਨਵੀਂ-ਦਿੱਲੀ/SANGHOL-TIMES/09 ਜੁਲਾਈ,2025( ਮਲਕੀਤ ਸਿੰਘ ਭਾਮੀਆਂ) :- ਦਿੱਲੀ ਦੇ ਕੈਬਨਿਟ ਮੰਤਰੀ ਮਨਜਿੰਦਰ ਸਿੰਘ ਸਿਰਸਾ ਨੇ ਅੱਜ ਇੱਕ ਪ੍ਰੈਸ ਕਾਨਫਰੰਸ ਕੀਤੀ ਜਿਸ ਵਿੱਚ ਪੰਜਾਬ ਵਿੱਚ ਆਮ ਆਦਮੀ ਪਾਰਟੀ ( “ਆਪ” ) ਸਰਕਾਰ ਵਿਰੁੱਧ ਕਈ ਤਿੱਖੀਆਂ ਟਿੱਪਣੀਆਂ ਕੀਤੀਆਂ ਅਤੇ ਦਿੱਲੀ ਕੈਬਨਿਟ ਦੁਆਰਾ ਲਏ ਗਏ ਮੁੱਖ ਫੈਸਲਿਆਂ ਨੂੰ ਉਜਾਗਰ ਕੀਤਾ। ਉਨ੍ਹਾਂ ਆਮ ਆਦਮੀ ਪਾਰਟੀ ( “ਆਪ” ) ‘ਤੇ ਗੰਭੀਰ ਦੋਸ਼ ਲਗਾਏ, ਦਾਅਵਾ ਕੀਤਾ ਕਿ ਦਿੱਲੀ ਵਿੱਚ ਅਰਵਿੰਦ ਕੇਜਰੀਵਾਲ ਦੀ ਅਗਵਾਈ ਵਾਲੀ ਸਰਕਾਰ ਦੇ ਕਾਰਜਕਾਲ ਦੌਰਾਨ ਪਿੱਛਲੇ ਦਸ ਸਾਲਾਂ ਤੋਂ ਤਿਹਾੜ ਜੇਲ੍ਹ ਵਿੱਚ ਬੰਦ ਕਈ ਗੈਗਸਟਰਾਂ ਦੇ “ਆਪ” ਆਗੂਆਂ ਨਾਲ ਸੰਬੰਧ ਸਨ। ਸਿਰਸਾ ਨੇ ਪੰਜਾਬ ਵਿੱਚ ਕਈ ਅਪਰਾਧਿਕ ਘਟਨਾਵਾਂ ਵਿੱਚ ਲਾਰੈਂਸ ਬਿਸ਼ਨੋਈ ਦਾ ਨਾਂਮ ਸਾਹਮਣੇ ਆਉਣ ਦੇ ਬਾਵਜੂਦ ਉਸ ਵਿਰੁੱਧ ਜਾਂਚ ਦੀ ਘਾਟ ‘ਤੇ ਸਵਾਲ ਉਠਾਇਆ। “ਜੇਕਰ ਲਾਰੈਂਸ ਬਿਸ਼ਨੋਈ ਨੂੰ ਪੰਜਾਬ ਵਿੱਚ ਅਪਰਾਧਾਂ ਨਾਲ ਜੋੜਿਆ ਜਾ ਰਿਹਾ ਹੈ, ਤਾਂ ਉਸ ਤੋਂ ਪੁੱਛਗਿੱਛ ਕਿਉਂ ਨਹੀਂ ਕੀਤੀ ਜਾ ਰਹੀ ?” ਸਿਰਸਾ ਨੇ “ਆਪ” ਸਰਕਾਰ ਤੋਂ ਜੁਵਾਬਦੇਹੀ ਅਤੇ ਪਰਦਾਫਾਸ਼ ਦੀ ਮੰਗ ਕਰਦੇ ਹੋਏ ਪੁੱਛਿਆ। ਸਿਰਸਾ ਨੇ ਕਿਹਾ ਕਿ ਸ਼੍ਰੀ ਗੁਰੂ ਤੇਗ ਬਹਾਦਰ ਸਾਹਿਬ ਜੀ ਦਾ ਸ਼ਹੀਦੀ ਦਿਹਾੜਾ ਸ਼ਾਨਦਾਰ ਅਤੇ ਇਤਿਹਾਸਕ ਪੱਧਰ ਤੇ ਮਨਾਉਣ ਦਾ ਫੈਸਲਾ ਕੀਤਾ ਹੈ। 350ਵੀਂ ਸ਼ਹੀਦੀ ਸ਼ਾਨਦਾਰ ਮੌਕੇ ਨਾਲ ਲਾਲ ਕਿਲ੍ਹੇ ਵਿਖੇ ਦੋ ਦਿਨਾਂ ਦਾ ਵਿਸ਼ੇਸ਼ ਸਮਾਗਮ ਆਯੋਜਿਤ ਕੀਤਾ ਜਾਵੇਗਾ। ਸਿਰਸਾ ਨੇ ਕਿਹਾ, “ਪਹਿਲੀ ਵਾਰ ਹੈ ਕਿ, ਸ਼੍ਰੀ ਗੁਰੂ ਤੇਗ ਬਹਾਦਰ ਜੀ ਦੀ ਕੁਰਬਾਨੀ ਦਾ ਸਨਮਾਨ ਕਰਨ ਅਤੇ ਜਨਤਾ ਨੂੰ ਉਨ੍ਹਾਂ ਦੀ ਵਿਰਾਸਤ ਬਾਰੇ ਜਾਗਰੂਕ ਕਰਨ ਲਈ ਦਿੱਲੀ ਵਿੱਚ ਅਜਿਹਾ ਸ਼ਾਨਦਾਰ ਸਮਾਗਮ ਆਯੋਜਿਤ ਕੀਤਾ ਜਾਵੇਗਾ। ਸਿਰਸਾ ਨੇ “ਆਪ” ਆਮ ਆਦਮੀ ਪਾਰਟੀ ‘ਤੇ ਕਈ ਸਵਾਲ ਚੂੱਕੇ। ਉਨ੍ਹਾਂ ਕਿਹਾ ਕਿ ਪੰਜਾਬ ਦਾ ਕਰਜ਼ਾ 04 ਲੱਖ ਕਰੋੜ ਰੁਪਏ ਤੱਕ ਪਹੁੰਚ ਗਿਆ ਹੈ, ਜਿਸ ਵਿੱਚ “ਆਪ” ਸਰਕਾਰ ਨੇ ਸਿਰਫ ਤਿੰਨ ਸਾਲਾਂ ਵਿੱਚ 8500 ਕਰੋੜ ਰੁਪਏ ਜੋੜ ਦਿੱਤੇ ਹਨ। ਉਨ੍ਹਾਂ ਨੇ ਮਾਨ ਸਰਕਾਰ ‘ਤੇ ਪੰਜਾਬ ਨੂੰ “ਪੁਲਿਸ ਰਾਜ” ਵਿੱਚ ਬਦਲਣ ਦਾ ਦੋਸ਼ ਲਗਾਉਂਦੇ ਹੋਏ, ਸੂਬੇ ਵਿੱਚ ਵਿਗੜਦੇ ਕਾਨੂੰਨ ਵਿਵਸਥਾ ‘ਤੇ ਚਿੰਤਾ ਪ੍ਰਗਟ ਕੀਤੀ। ਉਨ੍ਹਾਂ ਨੇ ਹਾਲ ਹੀ ਵਿਚ ਹੋਏ ਦੋ ਪੁਲਿਸ ਮੁਕਾਬਲਿਆਂ ਦੀ CBI ਦੀ ਜਾਂਚ ਦੀ ਮੰਗ ਕੀਤੀ, ਦੋਸ਼ ਲਾਇਆ ਕਿ ਨੌਜਵਾਨਾਂ ਨੂੰ ਉਨ੍ਹਾਂ ਦੇ ਘਰਾਂ ਤੋਂ ਬਾਹਰ ਕੱਢਿਆ ਜਾ ਰਿਹਾ ਹੈ ਅਤੇ ਰਾਜਨੀਤਕ ਨਿਰਦੇਸ਼ਾਂ ਹੇਠ ਮਾਰਿਆ ਜਾ ਰਿਹਾ ਹੈ” ਜੇਕਰ CBI ਦੀ ਜਾਂਚ ਹੁੰਦੀ ਹੈ, ਤਾਂ ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਜੇਲ੍ਹ ਤੋਂ ਨਹੀਂ ਬਚ ਸਕਣਗੇ, ਸਿਰਸਾ ਨੇ ਜ਼ੋਰ ਦੇਕੇ ਕਿਹਾ, ਉਨ੍ਹਾਂ ਦਿੱਲੀ ਸਰਕਾਰ ਦੇ ਪ੍ਰਮੁੱਖ ਮਹੁੱਲਾ ਕਲੀਨਿਕਾਂ ਦੀ ਹੋਰ ਅਲੋਚਨਾ ਕਰਦਿਆਂ ਉਨ੍ਹਾਂ ਨੂੰ ਇੱਕ ਮਜ਼ਾਕ ਦੱਸਿਆ।” ਕਿਸੇ ਵੀ “ਆਪ” ਨੇਤਾ ਨੇ ਕੱਦੇ ਵੀ ਉਨ੍ਹਾਂ ਤੋਂ ਅਪਣਾ ਇਲਾਜ ਨਹੀਂ ਕਰਵਾਇਆ। ਉਨ੍ਹਾਂ ਸਿਫਰ ਦਿਖਾਵੇ ਲਈ ਲਾਂਚ ਕੀਤਾ ਗਿਆ ਸੀ, ਉਨ੍ਹਾਂ ਦੋਸ਼ ਲਗਾਇਆ ਕਿ “ਆਪ” ‘ਤੇ ਦਿੱਲੀ ਬਿਲਡਰਾਂ ਨਾਲ ਮਿਲੀ ਭੁਗਤ ਕਰਕੇ ਕਿਸਾਨਾਂ ਵਿੱਚ ਡਰ ਪੈਦਾ ਕਰਕੇ ਪੰਜਾਬ ਵਿੱਚ ਜ਼ਮੀਨ ਹਾਸਲ ਕਰਨ ਦਾ ਦੋਸ਼ ਲਗਾਇਆ” ਬਿਲਡਰਾਂ ਨੂੰ ਪੰਜਾਬ ਲਿਆਂਦਾ ਜਾ ਰਿਹਾ ਹੈ, ਅਤੇ ਦਬਾਅ ਹੇਠ ਕਿਸਾਨਾਂ ਤੋਂ ਜ਼ਮੀਨ ਖੌਹੀ ਜਾ ਰਹੀ ਹੈ।” ਉਨ੍ਹਾਂ ਇਹ ਕਹਿਕੇ ਸਮਾਪਤ ਕੀਤਾ ਕਿ ਪੰਜਾਬ ਸਰਕਾਰ ਹਾਲ ਹੀ ਦੇ ਵਿਕਾਸ ਦੀ CBI ਦੀ ਜਾਂਚ ਦਾ ਹੁਕਮ ਦੇਵੇ ਅਤੇ ਸ਼ਾਸ਼ਨ ਵਿੱਚ ਪਾਰਦਰਸ਼ਤਾ ਨੂੰ ਯਕੀਨੀ ਬਣਾਵੇ।

—–00—–