ਲੋਕ ਸਭਾ ਇਲੈਕਸ਼ਨ 2024 : ਨਿਤਿਸ਼ ਤੇ ਨਾਇਡੂ ਨੂੰ ਤੋੜ ਕੇ ਵੀ ਸਰਕਾਰ ਨਹੀਂ ਬਣਾ ਸਕੇਗਾ ਇੰਡੀਆ ਗਠਜੋੜ, ਜਾਣੋ ਅੰਕੜਿਆਂ ਦਾ ਗਣਿਤ

ਲੋਕ ਸਭਾ ਇਲੈਕਸ਼ਨ 2024 : ਨਿਤਿਸ਼ ਤੇ ਨਾਇਡੂ ਨੂੰ ਤੋੜ ਕੇ ਵੀ ਸਰਕਾਰ ਨਹੀਂ ਬਣਾ ਸਕੇਗਾ ਇੰਡੀਆ ਗਠਜੋੜ, ਜਾਣੋ ਅੰਕੜਿਆਂ ਦਾ ਗਣਿਤ

Sanghol Times/ਚੰਡੀਗੜ੍ਹ/ਦਿੱਲੀ/ 6 ਜੂਨ (ਮਲਕੀਤ ਸਿੰਘ ਭਾਮੀਆਂ) :- ਲੋਕ ਸਭਾ ਦੇ ਨਤੀਜੇ ਸ਼ਪਸ਼ਟ ਹੋ ਗਏ ਹਨ। ਹੁਣ ਸਵਾਲ ਸਰਕਾਰ ਬਣਾਉਣ ਨੂੰ ਲੈਕੇ ਹੈ। ਭਾਜਪਾ ਆਪਣੇ ਦੱਮ ‘ਤੇ ਬਹੁਮਤ ਹਾਸਲ ਨਹੀਂ ਕਰ ਸਕਦੀ ਪਰ ਉਸਦੀ ਅਗਵਾਈ ਵਾਲੇ ਐਨਡੀਏ ਨੇ 292 ਸੀਟਾਂ ਜਿੱਤੀਆਂ ਹਨ। ਭਾਵ ਬਹੁਮਤ ਤੋਂ 20 ਸੀਟਾਂ ਉਪਰ ਜਿੱਤ ਹਾਸਲ ਕੀਤੀ ਹੈ। ਦੂਜੇ ਪਾਸੇ 234 ਸੀਟਾਂ ਵਾਲਾ ਇੰਡੀਆ ਗਠਜੋੜ ਵੀ ਸਰਕਾਰ ਬਣਾਉਣ ਦੀ ਕੋਸ਼ਿਸ਼ ਕਰ ਰਿਹਾ ਹੈ ਪਰ ਇਹ ਇੰਨਾਂ ਸੌਖਾ ਨਜ਼ਰ ਨਹੀਂ ਆ ਰਿਹਾ। ਦੱਸ ਦਈਏ ਕਿ ਲੋਕ ਸਭਾ ਦੀਆਂ 543 ਸੀਟਾਂ ਹਨ। ਸਰਕਾਰ ਬਣਾਉਣ ਲਈ ਘੱਟੋ ਘੱਟ 272 ਸੀਟਾਂ ਦੀ ਲੋੜ ਹੈ। ਬੀਜੇਪੀ ਨੇ 240 ਸੀਟਾਂ ਜਿੱਤੀਆਂ ਹਨ। ਇਸ ਹਿਸਾਬ ਨਾਲ ਇਕੱਲੀ ਬੀਜੇਪੀ ਕੋਲ ਬਹੁਮੱਤ ਨਹੀਂ ਪਰ ਬੀਜੇਪੀ ਦੀ ਅਗਵਾਈ ਵਾਲੇ ਐਨਡੀਏ ਗਠਜੋੜ ਨੂੰ 292 ਸੀਟਾਂ ਮਿਲੀਆਂ ਹਨ। ਜੇਡੀਯੂ ਨੂੰ ਤੋੜ ਕੇ ਵੀ ਸਰਕਾਰ ਬਣਾਉਣਾ ਔਖਾ ਹੈ। ਦਰਅਸਲ ਟੀਡੀਪੀ ਤੇ ਜੇਡੀਯੂ ਕੋਲ 28 ਸੀਟਾਂ ਹਨ। ਜੇਕਰ ਇਹ ਦੋਵੇਂ ਇੰਡੀਆ ਅਲਾਇੰਸ ‘ਚ ਸ਼ਾਮਿਲ ਹੋ ਜਾਂਦੇ ਹਨ ਤਾਂ ਅੰਕੜਾਂ 262 ਤੱਕ ਪਹੁੰਚ ਜਾਵੇਗਾ। ਇਸ ਤੋਂ ਬਾਅਦ ਵੀ ਇੰਡੀਆ ਗਠਜੋੜ ਬਹੁਮੱਤ ਤੋਂ 10 ਸੀਟਾਂ ਤੋਂ ਪਿੱਛੇ ਰਹੇਂਗਾ। ਉਂਝ ਅਜਿਹਾ ਕਰਕੇ ਇੰਡੀਆ ਗਠਜੋੜ ਬੀਜੇਪੀ ਨੂੰ ਮੁਸ਼ਕਲ ਵਿੱਚ ਪਾ ਸਕਦਾ ਹੈ। ਕਿਉਂਕਿ ਐਨਡੀਏ ਦੀਆਂ ਕੁੱਲ 292 ਸੀਟਾਂ ਵਿੱਚੋਂ ਈਡੀਪੀ ਤੇ ਜੇਡੀਯੂ ਦੀਆਂ 28 ਸੀਟਾਂ ਘਟਾ ਦੇਈਏ ਤਾਂ ਅੰਕੜਾਂ 264 ਤੱਕ ਪਹੁੰਚ ਜਾਵੇਗਾ। ਭਾਵ ਬਹੁਮੱਤ ਤੋਂ 8 ਸੀਟਾਂ ਘੱਟ ਜਾਣਗੀਆਂ। ਅਜਿਹੀ ਸਥਿਤੀ ਵਿੱਚ ਐਨਡੀਏ ਸਰਕਾਰ ਬਹੁਮੱਤ ਤੋਂ ਪਿੱਛੇ ਰਹਿ ਜਾਵੇਗੀ।
ਸਿਆਸੀ ਮਾਹਰਾਂ ਦੀ ਮੰਨੀਏ ਤਾਂ ਚੋਣਾਂ ਦੀ ਨੰਬਰ ਗੇਮ ਸਾਫ ਹੈ ਕਿ ਨਰਿੰਦਰ ਮੋਦੀ ਤੀਜੀ ਵਾਰ ਪ੍ਰਧਾਨ ਮੰਤਰੀ ਬਣਨ ਜਾ ਰਹੇ ਹਨ। ਸੰਵਿਧਾਨਕ ਤੌਰ ਤੇ ਬੀਜੇਪੀ ਦਾ ਹੱਕ ਸੱਭ ਤੋਂ ਉੱਪਰ ਹੈ। ਦਰਅਸਲ ਪਰੰਪਰਾ ਅਨੁਸਾਰ ਭਾਰਤ ਦੇ ਰਾਸ਼ਟਰਪਤੀ ਸੱਭ ਤੋਂ ਵੱਡੇ ਗਠਜੋੜ ਜਾਂ ਸੱਭ ਤੋਂ ਵੱਡੀ ਪਾਰਟੀ ਨੂੰ ਸਰਕਾਰ ਬਣਾਉਣ ਲਈ ਸੱਦਾ ਦਿੰਦੇ ਹਨ। ਇਸ ਚੋਣ ਵਿੱਚ ਐਨਡੀਏ 292 ਸੀਟਾਂ ਨਾਲ ਸੱਭ ਤੋਂ ਵੱਡੀ ਪਾਰਟੀ ਹੈ ਤੇ ਭਾਜਪਾ 240 ਸੀਟਾਂ ਨਾਲ ਸੱਭ ਤੋਂ ਵੱਡੀ ਪਾਰਟੀ ਹੈ। ਬੇਸ਼ੱਕ ਕੁੱਝ ਐਨਡੀਏ ਸਹਿਯੋਗੀ ਛੱਡ ਵੀ ਦਿੰਦੇ ਹਨ ‘ਤੇ ਇੰਡੀਆ ਗਠਜੋੜ ਬਹੁਮੱਤ ਦਾ ਦਾਅਵਾ ਕਰਦਾ ਹੈ ਤਾਂ ਰਾਸ਼ਟਰਪਤੀ ਵੱਡੀ ਪਾਰਟੀ ਹੋਣ ਦੇ ਨਾਤੇ ਭਾਜਪਾ ਸਰਕਾਰ ਬਣਾਉਣ ਲਈ ਸੱਦਾ ਦੇਣ ਲਈ ਅਪਣੀਆਂ ਸੰਵਿਧਾਨਕ ਸ਼ਕਤੀਆਂ ਦੀ ਵਰਤੋਂ ਕਰ ਸਕਦੇ ਹਨ। ਸਿਆਸੀ ਮਾਹਰਾਂ ਮੁਤਾਬਕ ਇਕ ਵਾਰ ਸਰਕਾਰ ਬਣਨ ਤੇ ਨਰਿੰਦਰ ਮੋਦੀ ਨੂੰ ਬਹੁਮੱਤ ਸਾਬਤ ਕਰਨ ‘ਚ ਜਿਆਦਾ ਦਿੱਕਤ ਨਹੀਂ ਆਵੇਗੀ।