Punjab – ਮਲੇਰਕੋਟਲਾ ਪੁਲਿਸ ਵੱਲੋ ਹੈਂਡ ਗਰਨੇਡ ਅਤੇ ਰਿਵਾਲਵਰ ਸਮੇਤ ਦੋ ਜਾਣੇ ਫੋਰਚੂਨਰ ਗੱਡੀ ਸਮੇਤ ਕਾਬੂ

ਮਲੇਰਕੋਟਲਾ ਪੁਲਿਸ ਵੱਲੋ ਹੈਂਡ ਗਰਨੇਡ ਅਤੇ ਰਿਵਾਲਵਰ ਸਮੇਤ ਦੋ ਜਾਣੇ ਫੋਰਚੂਨਰ ਗੱਡੀ ਸਮੇਤ ਕਾਬੂ

Sanghol Times/ਮਲੇਰਕੋਟਲਾ/02ਅਪ੍ਰੈਲ,2024(ਮਲਕੀਤ ਸਿੰਘ ਭਾਮੀਆਂ) :- ਡਾ ਸਿਮਰਤ ਕੌਰ ਆਈਪੀਐਸ ਸੀਨੀਆਰ ਕਪਤਾਨ ਪੁਲਿਸ ਮਲੇਰਕੋਟਲਾ ਨੇ ਪ੍ਰੈਸ ਨੋਟ ਰਾਹੀਂ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਮਾੜੇ ਅਨਸਰਾਂ ਖਿਲਾਫ ਵਿੱਢੀ ਮੁਹਿੰਮ ਉਸ ਵੇਲੇ ਸਾਰਥਕ ਸਿੱਧ ਹੋਈ ਜਦੋਂ ਸ਼੍ਰੀ ਵੈਭਵ ਸਹਿਗਲ ਪੀਪੀਐਸ ਕਪਤਾਨ ਪੁਲਿਸ ਇੰਵੈਸਟੀਗੇਸ਼ਨ ਮਲੇਰਕੋਟਲਾ, ਸ਼੍ਰੀ ਸ਼ਤੀਸ਼ ਕੁਮਾਰ ਪੀਪੀਐਸ ਉਪ ਕਪਤਾਨ ਪੁਲਿਸ ਇੰਵੈਸਟੀਗੇਸ਼ਨ ਮਲੇਰਕੋਟਲਾ ਜੀ ਦੀ ਨਿਗਰਾਨੀ ਤਹਿਤ ਇੰਸਪੈਕਟਰ ਹਰਜਿੰਦਰ ਸਿੰਘ ਇੰਚਾਰਜ ਸੀਆਈਏ ਸਟਾਫ ਮਾਹੋਰਾਣਾ ਦੀ ਟੀਮ ਮਿਤੀ 31-03-2024 ਨੂੰ ਥਾਣੇਦਾਰ ਸੁਰਜੀਤ ਸਿੰਘ ਨੰਬਰ 968/ ਪਟਿਆਲਾ ਸਮੇਤ ਪੁਲਿਸ ਪਾਰਟੀ ਦੇ ਬਾ ਸਿਲਸਿਲਾ ਗਸ਼ਤ ਬਾ ਚੈਕਿੰਗ ਸ਼ੱਕੀ ਪੁਰਸਾ ਦੇ ਸੰਬੰਧ ਵਿੱਚ ਮਲੇਰਕੋਟਲਾ – ਖੰਨਾ ਰੋਡ ਨੇੜੇ ਬੱਸ ਅੱਡਾ ਛੋਕਰਾਂ ਮੌਜੂਦ ਸੀ ਤਾਂ ਕਾਊਂਟਰ ਇੰਟੈਲੀਜੈਂਸ ਸੰਗਰੂਰ ਦੀ ਟੀਮ ਮਿਲਾਕੀ ਹੋਈ, ਇਸੇ ਦੌਰਾਨ ਮੁੱਖਬਰ ਖਾਸ ਪਾਸੋ ਇਤਲਾਹ ਮਿਲੀ ਕਿ ਹਰਨਾਮ ਸਿੰਘ ਪੁੱਤਰ ਪ੍ਰੇਮ ਸਿੰਘ ਵਾਸੀ ਰੁੜਕੀ ਕਲਾਂ ਥਾਣਾ ਸਦਰ ਅਹਿਮਦਗੜ੍ਹ ਅਤੇ ਅੰਮ੍ਰਿਤਪਾਲ ਸਿੰਘ ਉਰਫ਼ ਰਵੀ ਪੁੱਤਰ ਪ੍ਰਿਤਪਾਲ ਸਿੰਘ ਵਾਸੀ ਪਿੰਡ ਮੰਨਵੀ ਥਾਣਾ ਅਮਰਗੜ੍ਹ ਜੋ ਹਰਨਾਮ ਸਿੰਘ ਦੀ ਮੋਟਰ ਪਰ ਫਰਚੂਨਰ ਗੱਡੀ ਨੰਬਰ ਪੀਬੀ 03 ਬੀਈ 6069 ਵਿੱਚ ਬੈਠੇ ਕਿਸੇ ਵੱਡੀ ਵਾਰਦਾਤ ਨੂੰ ਅੰਜਾਮ ਦੇਣ ਲਈ ਵਿਉਂਤਬੰਦੀ ਬਣਾ ਰਹੇ ਹਨ, ਜਿਸ ਪਰ ਥਾਣੇਦਾਰ ਸੁਰਜੀਤ ਸਿੰਘ ਨੰਬਰ 968/ ਪਟਿਆਲਾ ਸਮੇਤ ਕਾਊਂਟਰ ਇੰਟੈਲੀਜੈਂਸ ਟੀਮ ਨੇ ਸਾਂਝੇ ਅਪਰੇਸ਼ਨ ਦੌਰਾਨ ਪਿੰਡ ਰੁੜਕੀ ਕਲਾਂ ਕੱਚਾ ਪਹਾ ਮੋਟਰ ਪੁੱਜ ਕੇ ਹਰਨਾਮ ਸਿੰਘ ਅਤੇ ਅਮ੍ਰਿਤਪਾਲ ਸਿੰਘ ਉਰਫ਼ ਰਵੀ ਉਕਤਾਨ ਕਾਬੂ ਕਰਕੇ ਹਰਨਾਮ ਸਿੰਘ ਪਾਸੋਂ ਇਕ ਹੈਂਡ ਗਰਨੇਡ ਐਚ ਈ – 36 ਅਤੇ ਅਮ੍ਰਿਤਪਾਲ ਸਿੰਘ ਉਰਫ਼ ਰਵੀ ਪਾਸੋ ਇਕ ਰਿਵਾਲਵਰ 32 ਬੋਰ ਬਰਾਮਦ ਕਰਵਾਕੇ ਮੁਕਦਮਾ ਨੰਬਰ 19 ਮਿਤੀ 01/04/2024 ਅ/ਧ 25/54/59 ਆਰਮਜ਼ ਐਕਟ ਅਤੇ 05 ਐਕਸਪਲੋਸਿਵ ਐਕਟ 1908 ਥਾਣਾ ਸਦਰ ਅਹਿਮਦਗੜ੍ਹ ਵਿਖੇ ਦਰਜ ਰਜਿਸਟਰ ਕਰਵਾਇਆ ਗਿਆ ਅਤੇ ਦੋਸੀਆ ਨੂੰ ਹਸਬ ਜ਼ਾਬਤਾ ਅਨੁਸਾਰ ਗ੍ਰਿਫਤਾਰ ਕੀਤਾ ਗਿਆ ਅਤੇ ਫਾਰਚੂਨਰ ਗੱਡੀ ਨੰਬਰ ਉਕਤ ਨੂੰ ਕਬਜ਼ਾ ਪੁਲਿਸ ਵਿੱਚ ਲਿਆ ਗਿਆ। ਡਾ ਸਿਮਰਤ ਕੌਰ ਆਈਪੀਐਸ ਨੇ ਵਿਸਥਾਰ ਪੂਰਵਕ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਦੋਸੀਅਨ ਹਰਨਾਮ ਸਿੰਘ ਅਤੇ ਅਮ੍ਰਿਤਪਾਲ ਸਿੰਘ ਉਰਫ਼ ਰਵੀ ਉਕਤਾਨ ਨੂੰ ਮਿਤੀ 01/04/2024 ਨੂੰ ਅਦਾਲਤ ਵਿੱਚ ਪੇਸ਼ ਕਰਕੇ 03 ਦਿਨ ਦਾ ਪੁਲਿਸ ਰਿਮਾਂਡ ਹਾਸਲ ਕੀਤਾ ਗਿਆ ਹੈ। ਦੋਸੀਅਨ ਪਾਸੋਂ ਸਖਤੀ ਨਾਲ ਪੁੱਛਗਿੱਛ ਕੀਤੀ ਜਾ ਰਹੀ ਹੈ ਅਤੇ ਹੋਰ ਅਹਿਮ ਖੁਲਾਸੇ ਹੋਣ ਦੀ ਸੰਭਾਵਨਾ ਹੈ।