ਲੈਫਟੀਨੈਂਟ ਜਨਰਲ ਉਪੇਂਦਰ ਦਿਵੇਦੀ ਭਾਰਤ ਦੇ ਨਵੇਂ ਥਲ ਸੈਨਾ ਮੁਖੀ ਹੋਣਗੇ

ਲੈਫਟੀਨੈਂਟ ਜਨਰਲ ਉਪੇਂਦਰ ਦਿਵੇਦੀ ਭਾਰਤ ਦੇ ਨਵੇਂ ਥਲ ਸੈਨਾ ਮੁਖੀ ਹੋਣਗੇ

Sanghol Times/ਨਵੀਂ ਦਿੱਲੀ/12 ਜੂਨ,2024(ਮਲਕੀਤ ਸਿੰਘ ਭਾਮੀਆਂ) :- ਲੈਫਟੀਨੈਂਟ ਜਨਰਲ ਉਪੇਂਦਰ ਦਿਵੇਦੀ ਭਾਰਤੀ ਫੋਜ ਦੇ ਨਵੇਂ ਮੁੱਖੀ ਹੋਣਗੇ। ਉਹ 30 ਜੂਨ ਨੂੰ ਜਰਨਲ ਮਨੋਜ ਪਾਂਡੇ ਦੀ ਥਾਂ ਲੈਣਗੇ। ਉਪੇਂਦਰ ਦਿਵੇਦੀ ਜੰਮੂ – ਕਸ਼ਮੀਰ ‘ਚ ਲੰਬੇ ਸਮੇਂ ਤੱਕ ਸੇਵਾ ਕਰ ਚੂੱਕੇ ਹਨ। ਇਸ ਸਾਲ 19;ਫਰਵਰੀ ਨੂੰ ਉਪੇਂਦਰ ਦਿਵੇਦੀ ਥਲ ਸੈਨਾ ਦੇ ਉਪ ਮੁੱਖੀ ਦਾ ਅਹੁੱਦਾ ਸੰਭਾਲਿਆ ਸੀ ਇਸ ਤੋਂ ਪਹਿਲਾਂ ਉਪੇਂਦਰ ਦਿਵੇਦੀ 2022-24 ਤੱਕ ਉੱਤਰੀ ਕਮਾਨ ਦੇ ਜਰਨਲ ਅਫਸਰ ਕਮਾਂਡਿੰਗ – ਇਨ – ਚੀਫ ਦੇ ਅਹੁੱਦੇ ਤੇ ਸਨ। ਉਪੇਂਦਰ ਦਿਵੇਦੀ ਮੱਧ ਪ੍ਰਦੇਸ਼ ਦੇ ਰੀਵਾ ਦੇ ਸੈਨਿਕ ਸਕੂਲ ਦੇ ਵਿਦਿਆਰਥੀ ਰਹੇ ਹਨ। 39 ਸਾਲਾਂ ਤੋਂ ਵੱਧ ਦੇ ਆਪਣੇ ਕੈਰੀਅਰ ਦੌਰਾਨ, ਉਨ੍ਹਾਂ ਨੇ ਦੇਸ਼ ਭਰ ਵਿੱਚ ਚਣੌਤੀਪੂਰਨ ਮਹੌਲ ਵਿੱਚ ਕਮਾਂਡਿੰਗ ਅਹੁੱਦਿਆਂ ਤੇ ਕੰਮ ਕੀਤਾ ਹੈ। ਉਨ੍ਹਾਂ ਨੇ ਕਸ਼ਮੀਰ ਘਾਟੀ ਦੇ ਨਾਲ – ਨਾਲ ਰਾਜਿਸਥਾਨ ਵਿੱਚ ਯੂਨਿਟ ਕਮਾਨ ਸੰਭਾਲੀ। ਉਹ ਉੱਤਰ ਪੂਰਬ ਵਿੱਚ ਅੱਤਵਾਦ ਵਿਰੋਧੀ ਮਹੌਲ ਵਿੱਚ ਅਸਾਮ ਰਾਈਫਲਜ਼ ਦੇ ਸੈਕਟਰ ਕਮਾਂਡਰ ਅਤੇ ਇੰਸਪੈਕਟਰ ਜਨਰਲ ਰਹੇ ਹਨ।
ਚੀਨ ਨਾਲ ਗੱਲਬਾਤ ਵਿੱਚ ਰਹੇ ਸ਼ਾਮਿਲ – ਉਪੇਂਦਰ ਦਿਵੇਦੀ ਨੇ ਪੱਛਮੀ ਸਰਹੱਦਾਂ ਤੇ ਰਾਈਜਿੰਗ ਸਟਾਰ ਕੋਰ ਦੀ ਕਮਾਂਡ ਵੀ ਸੰਭਾਲੀ ਹੈ। ਉੱਤਰੀ ਅਤੇ ਪੱਛਮੀ ਸਰਹੱਦਾਂ ਤੇ ਚਣੌਤੀਪੂਰਨ ਮਹੌਲ ਵਿੱਚ ਫੋਜ ਦੀ ਕਮਾਨ ਸੰਭਾਲੀ। ਇਸ ਦੌਰਾਨ ਜੰਮੂ – ਕਸ਼ਮੀਰ ‘ਚ ਅੱਤਵਾਦ ਵਿਰੋਧੀ ਕਾਰਵਾਈਆਂ ਕਾਰਨ ਤੋਂ ਇਲਾਵਾ ਉਨ੍ਹਾਂ ਨੇ ਉੱਤਰੀ ਅਤੇ ਪੱਛਮੀ ਸਰਹੱਦਾਂ ਤੇ ਰਣ ਨੀਤੀ ਮਾਰਗ ਦਰਸ਼ਨ ਵੀ ਦਿੱਤਾ। ਉਪੇਂਦਰ ਦਿਵੇਦੀ ਦੀ ਸਰਹੱਦੀ ਵਿਵਾਦ ਦੇ ਮੁੱਦੇ ਨੂੰ ਸੁਲਝਾਉਣ ਲਈ ਚੀਨ ਨਾਲ ਗੱਲਬਾਤ ਵਿੱਚ ਸ਼ਾਮਿਲ ਸਨ। ਆਧੁਨਿਕਰਨ ਵਿੱਚ ਯੋਗਦਾਨ ਪਾਇਆ। ਉਹ ਮਾਊਂਟੇਨ ਡਿਵੀਜ਼ਨ, ਸਟਰਾਈਕ ਕੋਰ ਅਤੇ ਆਰਮੀ ਹੈਡਕੁਆਰਟਰ ਵਿੱਚ ਵੀ ਅਹਿਮ ਅਹੁੱਦਿਆਂ ਤੇ ਕੰਮ ਕਰ ਚੂੱਕੇ ਹਨ। ਉਨ੍ਹਾਂ ਨੂੰ ਸੁਰੱਖਿਆ ਬਲਾਂ ਨੂੰ ਆਧੁਨਿਕ ਹਥਿਆਰਾਂ ਨਾਲ ਲੈਸ ਕਰਨ ਵਿੱਚ ਵੀ ਯੋਗਦਾਨ ਪਾਇਆ ਹੈ। ਇਨਫੈਟਰੀ ਦੇ ਡਾਇਰੈਕਟਰ ਜਨਰਲ ਵਜੋਂ, ਲੈਫਟੀਨੈਂਟ ਜਰਨਲ ਨੇ ਤਿੰਨਾਂ ਫੋਜਾਂ ਲਈ ਹਥਿਆਰਾਂ ਦੀ ਖਰੀਦ ਦੀ ਅਗਵਾਈ ਕੀਤੀ। ਨਤੀਜਾ ਇਹ ਹੋਇਆ ਕਿ ਹੱਥਿਆਰਬੰਦ ਬਲਾਂ ਦੀ ਸਮਰੱਥਾ ਵਿੱਚ ਸੁਧਾਰ ਹੋਇਆ। ਸਿਖਲਾਈ ਨਾਲ ਸੰਬੰਧਤ ਅਹੁੱਦਿਆਂ ਤੇ ਵੀ ਰਹੇ ਹਨ। ਉਨ੍ਹਾਂ ਨੇ ਰੱਖਿਆ ਅਤੇ ਪ੍ਰਬੰਧਨ ਅਤੇ ਫੋਜੀ ਵਿਗਿਆਨ ਵਿੱਚ ਦੋ ਮਾਸਟਰ ਡਿਗਰੀਆਂ ਲਈਆਂ ਹਨ।