ਭਾਰਤੀ ਫੋਜ ਦੇ ਇਤਿਹਾਸ ਵਿੱਚ ਪਹਿਲੀ ਵਾਰ ਥਲ ਅਤੇ ਜਲ ਸੈਨਾ ਦੀ ਕਮਾਨ ਦੋ ਜਮਾਤੀਆਂ ਦੇ ਹੱਥਾਂ ‘ਚ ਹੋਵੇਗੀ

ਭਾਰਤੀ ਫੋਜ ਦੇ ਇਤਿਹਾਸ ਵਿੱਚ ਪਹਿਲੀ ਵਾਰ ਥਲ ਅਤੇ ਜਲ ਸੈਨਾ ਦੀ ਕਮਾਨ ਦੋ ਜਮਾਤੀਆਂ ਦੇ ਹੱਥਾਂ ‘ਚ ਹੋਵੇਗੀ

ਲੈਫਟੀਨੈਂਟ ਜਨਰਲ ਉਪੇਂਦਰ ਦਿਵੇਦੀ ਭਾਰਤੀ ਥਲ ਸੈਨਾ ਅਤੇ ਐਡਮਿਰਲ ਦਿਨੇਸ਼ ਤ੍ਰਿਪਾਠੀ ਜਲ ਸੈਨਾ ਦੇ ਮੁੱਖੀ ਹੋਣਗੇ

ਨਵੀਂ ਦਿੱਲੀ/Sanghol Times/30 ਜੂਨ,2024(ਮਲਕੀਤ ਸਿੰਘ ਭਾਮੀਆਂ) – ਭਾਰਤੀ ਫੋਜ ਦੇ ਇਤਿਹਾਸ ਵਿੱਚ ਇਹ ਪਹਿਲੀ ਵਾਰ ਹੋਇਆ ਹੈ ਕਿ ਦੋ ਜਮਾਤੀ ਲੈਫਟੀਨੈਂਟ ਜਨਰਲ ਉਪੇਂਦਰ ਦਿਵੇਦੀ ਅਤੇ ਐਡਮਿਰਲ ਦਿਨੇਸ਼ ਤ੍ਰਿਪਾਠੀ ਭਾਰਤੀ ਸੈਨਾ ਅਤੇ ਜਲ ਸੈਨਾ ਦੇ ਮੁੱਖੀ ਹੋਣਗੇ। ਮੱਧ ਪ੍ਰਦੇਸ਼ ਦੇ ਸੈਨਿਕ ਸਕੂਲ ਰੀਵਾ ਦੇ ਰਹਿਣ ਵਾਲੇ, ਜਲ ਸੈਨਾ ਮੁੱਖੀ ਐਡਮਿਰਲ ਦਿਨੇਸ਼ ਤ੍ਰਿਪਾਠੀ ਅਤੇ ਸੈਨਾ ਮੁੱਖੀ ਨਿਯੁਕਤ ਲੈਫਟੀਨੈਂਟ ਜਨਰਲ ਉਪੇਂਦਰ ਦਿਵੇਦੀ ਨੇ 1970 ਦੇ ਦਹਾਕੇ ਦੇ ਸ਼ੁਰੂ ਵਿੱਚ ਕਲਾਸ 5 ਵਿੱਚ ਇਕੱਠੇ ਪੜ੍ਹਦੇ ਸੀ। ਦੋਵਾਂ ਅਧਿਕਾਰੀਆਂ ਦੇ ਰੋਲ ਨੰਬਰ ਵੀ ਇਕ ਦੂਜੇ ਦੇ ਨੇੜੇ ਸਨ। ਲੈਫਟੀਨੈਂਟ ਜਨਰਲ ਉਪੇਂਦਰ ਦਿਵੇਦੀ ਦਾ ਰੋਲ ਨੰਬਰ 931 ਅਤੇ ਅਤੇ ਐਡਮਿਰਲ ਦਿਨੇਸ਼ ਤ੍ਰਿਪਾਠੀ ਦਾ ਰੋਲ ਨੰਬਰ 938 ਸੀ। ਦੋਵੇਂ ਸਕੂਲ ਦੇ ਦਿਨਾਂ ਤੋਂ ਹੀ ਚੰਗੇ ਦੋਸਤ ਹਨ ਅਤੇ ਫੋਜ ਦੇ ਵੱਖ ਵੱਖ ਹਿੱਸਿਆਂ ਵਿੱਚ ਹੋਣ ਦੇ ਬਾਵਜੂਦ ਉਹ ਹਮੇਸ਼ਾ ਸੰਪਰਕ ਵਿੱਚ ਰਹਿੰਦੇ ਹਨ। ਦੋਵਾਂ ਜਮਾਤੀਆਂ ਦੀਆਂ ਨਿਯੁਕਤੀਆਂ ਵੀ ਕਰੀਬ ਦੋ ਮਹੀਨਿਆਂ ਦੇ ਫਰਕ ਨਾਲ ਇੱਕੋ ਸਮੇਂ ਹੋਈਆਂ। ਐਡਮਿਰਲ ਦਿਨੇਸ਼ ਤ੍ਰਿਪਾਠੀ ਨੇ 1 ਮਈ ਨੂੰ ਭਾਰਤੀ ਜਲ ਸੈਨਾ ਦੀ ਕਮਾਨ ਸੰਭਾਲੀ ਸੀ, ਜਦਕਿ ਲੈਫਟੀਨੈਂਟ ਜਨਰਲ ਉਪੇਂਦਰ ਦਿਵੇਦੀ 30 ਜੂਨ ਐਤਵਾਰ ਨੂੰ ਅਪਣਾ ਨਵਾਂ ਕਾਰਜਭਾਰ ਸੰਭਾਲਣਗੇ।