Punjab- ਪਟਿਆਲਾ ਦੇ ਤ੍ਰਿਪੜੀ ਖੇਤਰ ਚੋਂ ਇੱਕ ਟਨ ਚੀਨੀ ਡੋਰ ਹੋਈ ਬਰਾਮਦ – ਜਿਲ੍ਹਾ ਪੁਲਿਸ ਮੁੱਖੀ ਡਾ ਨਾਨਕ ਸਿੰਘ ਵੱਲੋ ਸਖਤ ਚੇਤਾਵਨੀ

ਪਟਿਆਲਾ ਦੇ ਤ੍ਰਿਪੜੀ ਖੇਤਰ ਚੋਂ ਇੱਕ ਟਨ ਚੀਨੀ ਡੋਰ ਹੋਈ ਬਰਾਮਦ – ਜਿਲ੍ਹਾ ਪੁਲਿਸ ਮੁੱਖੀ ਡਾ ਨਾਨਕ ਸਿੰਘ ਵੱਲੋ ਸਖਤ ਚੇਤਾਵਨੀ

PATIALA/SANGHOL-TIMES/08ਜਨਵਰੀ,2025(ਮਲਕੀਤ ਸਿੰਘ ਭਾਮੀਆਂ) :- ਥਾਣਾ ਤ੍ਰਿਪੜੀ ਦੀ ਪੁਲਿਸ ਨੇ ਥਾਣਾ ਮੁੱਖੀ ਇੰਸਪੈਕਟਰ ਪ੍ਰਦੀਪ ਸਿੰਘ ਬਾਜਵਾ ਦੀ ਅਗਵਾਈ ਹੇਠ ਇੱਕ ਕਾਰਵਾਈ ਦੌਰਾਨ ਤ੍ਰਿਪੜੀ ਖੇਤਰ ਵਿਚਲੇ ਇੱਕ ਦੁਕਾਨਦਾਰ ਵੱਲੋ ਘਰ ਦੇ ਸਟੋਰ ‘ਚ ਰੱਖੀ ਇੱਕ ਟਨ ਵਜ਼ਨ ਵਾਲੀ ਚੀਨੀ ਡੋਰ ਦੇ 330 ਗੱਟੂ ਬਰਾਮਦ ਕੀਤੇ ਗਏ। ਇਸ ਦੌਰਾਨ ਪੁਲਿਸ ਨੇ ਸੋਨੂੰ ਵਾਸੀ ਦੀਪ ਨਗਰ ਨੂੰ ਗ੍ਰਿਫਤਾਰ ਕੀਤਾ ਹੈ। ਜਿਸ ਖਿਲਾਫ ਥਾਣਾ ਤ੍ਰਿਪੜੀ ਵਿੱਚ ਕੇਸ ਦਰਜ ਕੀਤਾ ਗਿਆ ਹੈ। ਇਹ ਜਾਣਕਾਰੀ ਐਸਪੀ ਸਿਟੀ ਸਰਫਰਾਜ ਆਲਮ ਨੇ ਦਿੱਤੀ ਹੈ। ਇਸ ਮੌਕੇ ਥਾਣਾ ਤ੍ਰਿਪੜੀ ਦੇ ਏਐਸਆਈ ਗੁਰਪ੍ਰੀਤ ਸਿੰਘ, ਹੌਲਦਾਰ ਪਰਮਜੀਤ ਸਿੰਘ ਅਤੇ ਸਿਪਾਹੀ ਰਮਨਦੀਪ ਸਿੰਘ ਆਦਿ ਵੀ ਮੌਜੂਦ ਸਨ। ਪੁਲਿਸ ਅਧਿਕਾਰੀ ਨੇ ਦੱਸਿਆ ਕਿ ਟੀਮ ਨੇ ਆਚਾਰ ਬਜ਼ਾਰ, ਤ੍ਰਿਪੜੀ ਅਤੇ ਅਨੰਦ ਨਗਰ ਖੇਤਰਾਂ ਵਿਚਲੀਆਂ ਕੁੱਝ ਦੁਕਾਨਾਂ ਦੀ ਚੈਕਿੰਗ ਕੀਤੀ। ਹਾਲਾਂਕਿ ਇੰਨਾਂ ਦੌਰਿਆਂ ਦੌਰਾਨ ਕੋਈ ਗੈਰ – ਕਾਨੂੰਨੀ ਗਤੀ ਵਿਧੀ ਨਹੀਂ ਮਿਲੀ ਪਰ ਫੇਰ ਜਦੋਂ ਉਕਤ ਸੋਨੂੰ ਦੇ ਘਰ ਛਾਪਾ ਮਾਰਿਆ ਗਿਆ ਤਾਂ ਉਥੋਂ ਪਾਬੰਦੀ ਵਾਲੀ ਚੀਨੀ ਡੋਰ ਦੇ 330 ਗੱਟੂ ਬਰਾਮਦ ਹੋਏ, ਜਿੰਨ੍ਹਾਂ ਦਾ ਵਜ਼ਨ ਇੱਕ ਟਨ ਹੈ। ਪੁਲਿਸ ਅਧਿਕਾਰੀਆਂ ਦਾ ਕਹਿਣਾ ਸੀ ਕਿ ਇਹ ਬਰਾਮਦਗੀ ਪੀਪੀਸੀਬੀ ਦੇ ਅਧਿਕਾਰੀਆਂ ਦੀ ਮੌਜੂਦਗੀ ‘ਚ ਕੀਤੀ ਗਈ ਹੈ। ਜਿਲ੍ਹਾ ਪੁਲਿਸ ਮੁੱਖੀ ਐਸਐਸਪੀ ਡਾ ਨਾਨਕ ਸਿੰਘ ਨੇ ਜਿੱਥੇ ਚੀਨੀ ਡੋਰ ਦਾ ਕਾਰੋਬਾਰ ਕਰਨ ਵਾਲਿਆਂ ਨੂੰ ਸਖਤ ਕਾਰਵਾਈ ਦਾ ਸਾਹਮਣਾ ਕਰਨ ਦੀ ਚਿਤਾਵਨੀ ਦਿੱਤੀ ਹੈ, ਉੱਥੇ ਹੀ ਉਨ੍ਹਾਂ ਮਾਪਿਆਂ ਨੂੰ ਵੀ ਅਗਾਹ ਕੀਤਾ ਕਿ ਉਹ ਅਪਣੇ ਬੱਚਿਆਂ ‘ਤੇ ਨਜ਼ਰ ਰੱਖਣ ਕਿ ਉਹ ਚੀਨੀ ਡੋਰ ਦੀ ਵਰਤੋ ਨਾ ਕਰਨ, ਜੇਕਰ ਅਜਿਹਾ ਪਾਇਆ ਗਿਆ ਤਾਂ ਉਸਦੇ ਖਿਲਾਫ ਸਖਤ ਬਣਦੀ ਕਾਨੂੰਨੀ ਕਾਰਵਾਈ ਅਮਲ ਵਿੱਚ ਲਿਆਂਦੀ ਜਾਵੇਗੀ। ਕਿਉਂਕਿ ਇਸ ਨਾਲ ਬਹੁਤ ਸਾਰੇ ਲੋਕਾਂ ਨੂੰ ਅਪਣੀਆਂ ਕੀਮਤੀ ਜਾਨਾਂ ਗਵਾਉਣੀਆਂ ਪੈਦੀਆਂ ਹਨ। ਇਸ ਚੀਨੀ ਡੋਰ ਦੀ ਵਰਤੋ ਨਾਲ ਬਹੁਤ ਸਾਰੇ ਚੱਲੇ ਜਾਂਦੇ ਵਹੀਕਲਾਂ ‘ਤੇ ਜਾਂਦੇ ਰਾਹਗੀਰਾਂ ਜੀਵਾਂ ਦੇ ਗਲੇ ‘ਤੇ ਹੱਥ ਪੈਰ ਇਸ ਚੀਨੀ ਡੋਰ ਦੀ ਲਪੇਟ ‘ਚ ਆਉਣ ‘ਤੇ ਇਸ ਦੀ ਵਰਤੋ ਕਰਨ ਨਾਲ ਕਰਕੇ ਕੱਟੇ ਜਾਂਦੇ ਹਨ। ਜੋ ਮੌਤ ਦੇ ਮੂੰਹ ਵਿੱਚ ਚੱਲੇ ਜਾਂਦੇ ਹਨ।