ਅੰਮ੍ਰਿਤਸਰ ਤੋਂ ਜੰਮੂ, ਪਠਾਨਕੋਟ ਤੋਂ ਭੁਜ ਤੱਕ ਪਾਕਿਸਤਾਨ ਦੇ ਹਮਲਿਆਂ ਨੂੰ ਨਾਕਾਮ ਕੀਤਾ “ਸੁਦਰਸ਼ਨ ਚੱਕਰ” ਨੇ

ਅੰਮ੍ਰਿਤਸਰ ਤੋਂ ਜੰਮੂ, ਪਠਾਨਕੋਟ ਤੋਂ ਭੁਜ ਤੱਕ ਪਾਕਿਸਤਾਨ ਦੇ ਹਮਲਿਆਂ ਨੂੰ ਨਾਕਾਮ ਕੀਤਾ “ਸੁਦਰਸ਼ਨ ਚੱਕਰ” ਨੇ
….

ਨਵੀਂ-ਦਿੱਲੀ/SANGHOL-TIMES/10 ਮਈ,2025(ਮਲਕੀਤ ਸਿੰਘ ਭਾਮੀਆਂ) :- ਅੰਮ੍ਰਿਤਸਰ ਤੋਂ ਜੰਮੂ,ਪਠਾਨਕੋਟ ਤੋਂ ਭੁਜ ਤੱਕ ਪਾਕਿਸਤਾਨ ਦੇ ਹਮਲਿਆਂ ਨੂੰ ਨਾਕਾਮ ਕਰਕੇ ਭਾਰਤ ਨੇ ਹਵਾਈ ਮਿਜ਼ਾਈਲ ਰੱਖਿਆ ਪ੍ਰਣਾਲੀ ” ਸੁਦਰਸ਼ਨ ਚੱਕਰ” ਨੇ ਅਪਣੀ ਤਾਕਤ ਦਿਖਾਈ ਹੈ। ਭਾਰਤ ਨੇ “ਅਪ੍ਰੇਸ਼ਨ ਸਿੰਦੂਰ” ਸ਼ੁਰੂ ਕਰਦੇ ਸਮੇਂ ਦੁਸ਼ਮਣ ਦੇ ਕਿਸੇ ਵੀ ਜੁਵਾਬੀ ਹਮਲੇ ਨੂੰ ਰੋਕਣ ਲਈ ਇਸ ਸਿਸਟਮ ਨੂੰ ਉਦੋਂ ਸਰਗਰਮ ਕੀਤਾ ਸੀ ਜਦੋਂ “ਆਪ੍ਰੇਸ਼ਨ ਸਿੰਦੂਰ” ਸ਼ੁਰੂ ਕੀਤਾ ਗਿਆ ਸੀ, ਜਿਸ ਨਾਲ ਭਾਰਤੀ ਲੜਾਕੂ ਜਹਾਜ਼ਾਂ ਨੂੰ ਅਪ੍ਰੇਸ਼ਨ ਸੁਰੱਖਿਅਤ ਢੰਗ ਨਾਲ ਪੂਰਾ ਕਰਨ ਵਿੱਚ ਮੱਦਦ ਮਿਲੀ। ਇਸ ਪ੍ਰਣਾਲੀ ਨੇ ਦੁਸ਼ਮਣ ਦੇ ਡਰੋਨ ਅਤੇ ਮਿਜ਼ਾਈਲਾਂ ਨੂੰ ਹਵਾ ਵਿੱਚ ਹੀ ਤਬਾਹ ਕਰ ਦਿੱਤਾ, ਜਿਸ ਨਾਲ ਭਾਰਤੀ ਸ਼ਹਿਰਾਂ ਨੂੰ ਕੋਈ ਨੁਕਸਾਨ ਨਹੀਂ ਹੋਇਆ। ਭਾਰਤ ਦੇ “ਆਪ੍ਰੇਸ਼ਨ ਸਿੰਦੂਰ” ਤੋਂ ਬੁਖਲਾਏ ਪਾਕਿਸਤਾਨ ਨੇ 8/9 ਮਈ ਨੂੰ 8:30 ਵੱਜੇ ਦੇ ਕਰੀਬ ਰਾਜਸਥਾਨ, ਜੰਮੂ – ਕਸ਼ਮੀਰ, ਪੰਜਾਬ, ਗੁਜਰਾਤ ਵਿੱਚ ਹਵਾਈ ਸੈਨਾ ਦੇ ਏਅਰਬੈਸ ਨੂੰ ਨਿਸ਼ਾਨਾ ਬਣਾਉਂਦੇ ਹੋਏ ਡਰੋਨਾਂ ਨਾਲ ਮਿਜ਼ਾਈਲ ਹਮਲੇ ਕਰਨ ਦੀ ਕੋਸ਼ਿਸ਼ ਕੀਤੀ, ਪਰ ਭਾਰਤੀ ਹਵਾਈ ਰੱਖਿਆ ਪ੍ਰਣਾਲੀਆਂ ਨੇ ਪਾਕਿਸਤਾਨੀ ਡਰੋਨਾਂ ਨੂੰ ਰੋਕ ਲਿਆ। ਪਾਕਿਸਤਾਨ ਨੇ ਸਤਵਾਰੀ, ਸਾਂਬਾ ਆਰਐਸ ਪੁਰਾ ਅਤੇ ਅਰਨੀਆ ਸੈਕਟਰਾਂ ਵਿੱਚ ਮਿਜ਼ਾਈਲਾਂ ਦਾਗੀਆਂ, ਪਰ ਭਾਰਤੀ ਹਵਾਈ ਰੱਖਿਆ ਇਕਾਈਆਂ ਨੇ ਉਨ੍ਹਾਂ ਸਾਰੀਆਂ ਨੂੰ ਹਵਾ ਵਿੱਚ ਹੀ ਨਸ਼ਟ ਕਰ ਦਿੱਤਾ। ਜੰਮੂ – ਕਸ਼ਮੀਰ ਵਿੱਚ ਅੰਤਰਰਾਸ਼ਟਰੀ ਸਰਹੱਦ ਦੇ ਨੇੜੇ ਜੰਮੂ – ਪਠਾਨਕੋਟ ਅਤੇ ਉਧਮਪੁਰ ਵਿੱਚ ਫੋਜੀ ਸਟੇਸ਼ਨਾਂ ਨੂੰ ਪਾਕਿਸਤਾਨ ਨੇ ਮਿਜ਼ਾਈਲਾਂ ਅਤੇ ਡਰੋਨਾਂ ਦੀ ਵਰਤੋਂ ਕਰਕੇ ਨਿਸ਼ਾਨਾ ਬਣਾਇਆ ਪਰ ਭਾਰਤੀ ਫੋਜ ਦੇ ਹਵਾਈ ਰੱਖਿਆ ਪ੍ਰਣਾਲੀ ਐਸ – 400 ( ਸੁਦਰਸ਼ਨ ) ਨੇ ਸਾਰੇ ਹਮਲਿਆਂ ਨੂੰ ਨਾਕਾਮ ਕਰ ਦਿੱਤਾ, ਜਿਸ ਨਾਲ ਕੋਈ ਨੁਕਸਾਨ ਨਹੀਂ ਹੋਇਆ। ਜੰਮੂ – ਕਸ਼ਮੀਰ ਦੇ ਉਧਮਪੁਰ ਵਿੱਚ ਪਾਕਿਸਤਾਨੀ ਡਰੋਨਾਂ ਨੂੰ ਹਵਾ ਵਿੱਚ ਹੀ ਤਬਾਹ ਕਰ ਦਿੱਤਾ ਗਿਆ। ਯੂਕਰੇਨ ਨਾਲ ਜੰਗ ਦੇ ਵਿਚਕਾਰ, ਰੂਸ ਨੇ ਹੁਣ ਭਾਰਤ ਨੂੰ 3 ਐਸ – 400 ਹਵਾਈ ਰੱਖਿਆ ਮਿਜ਼ਾਈਲ ਪ੍ਰਣਾਲੀਆਂ ਦੀ ਸਪਲਾਈ ਕੀਤੀ ਹੈ, ਜਦੋਂ ਦੋ ਪ੍ਰਣਾਲੀਆਂ ਦੀ ਸਪਲਾਈ ਅੱਜੇ ਬਾਕੀ ਹੈ। ਚੌਥਾ ਸਿਸਟਮ ਮਾਰਚ 2026 ਵਿੱਚ ਅਤੇ ਪੰਜਵਾਂ ਸਿਸਟਮ 2026 ਦੇ ਅੰਤ ਤੱਕ ਡਿਲਵਰ ਕੀਤਾ ਜਾਵੇਗਾ। ਭਾਰਤੀ ਹਵਾਈ ਸੈਨਾ ਨੇ ਐਸ – 400 ਦਾ ਨਾਂਮ ਭਗਵਾਨ ਕ੍ਰਿਸ਼ਨ ਦੇ ਸ਼ਕਤੀਮਾਨ ਸੁਦਰਸ਼ਨ ਚੱਕਰ ਦੇ ਨਾਂਮ ‘ਤੇ ਸੁਦਰਸ਼ਨ ਚੱਕਰ ਰੱਖਿਆ ਹੈ। ਭਾਰਤੀ ਐਸ – 400 ਹਵਾਈ ਰੱਖਿਆ ਮਿਜ਼ਾਈਲਾਂ 20 ਕਿਲੋਮੀਟਰ, 30 ਕਿਲੋਮੀਟਰ ਅਤੇ 60 ਕਿਲੋਮੀਟਰ ਦੀ ਉਚਾਈ ਤੱਕ ਪਹੁੰਚ ਸਕਦੀਆਂ ਹਨ ਅਤੇ ਹਵਾ ਵਿੱਚ ਦੁਸ਼ਮਣ ਦੀਆਂ ਮਿਜ਼ਾਈਲਾਂ ਨੂੰ ਨਸ਼ਟ ਕਰ ਸਕਦੀਆਂ ਹਨ। ਇਹ ਸਿਸਟਮ ਇੱਕੋ ਸਮੇਂ 80 ਦੁਸ਼ਮਣ ਮਿਜ਼ਾਈਲਾਂ ਜਾਂ ਹਵਾਈ ਹਮਲਿਆਂ ਦਾ ਜੁਵਾਬ ਦੇਣ ਦੇ ਸਮਰੱਥ ਹੈ। ਅਤੇ ਪਾਕਿਸਤਾਨ ਤੋਂ ਖਤਰੇ ਨੂੰ ਦੇਖਦੇ ਹੋਏ ਭਾਰਤ ਨੂੰ ਸ਼ਕਤੀਸ਼ਾਲੀ ਰੂਸੀ ਹਵਾਈ ਰੱਖਿਆ ਪ੍ਰਣਾਲੀ ਐਸ – 400 ਦੀ ਸਖਤ ਜਰੂਰਤ ਸੀ। ਭਾਰਤ ਨੇ ਰੂਸ ਨਾਲ 35 ਹਜ਼ਾਰ ਕਰੋੜ ਰੁਪਏ ਵਿਚ ਪੰਜ ਹਵਾਈ ਰੱਖਿਆ ਪ੍ਰਣਾਲੀਆਂ ਐਸ – 400 ਖਰੀਦਣ ਲਈ ਸੋਦੇ ‘ਤੇ ਦਸਖਤ ਕੀਤੇ ਸਨ। ਜਿਸਨੂੰ ਰੂਸ ਅਤੇ ਭਾਰਤ ਦੇ ਰੱਖਿਆ ਮੰਤਰੀਆਂ ਨੇ 06 ਦਸੰਬਰ 2021 ਨੂੰ ਅੰਤਿਮ ਰੂਪ ਦਿੱਤਾ ਸੀ। ਭਾਰਤ ਦੇ ਰੱਖਿਆ ਬੇੜੇ ਵਿੱਚ ਸ਼ਾਮਲ ਇਸ ਰੂਸੀ ਰੱਖਿਆ ਪ੍ਰਣਾਲੀ ਤੋਂ ਪੂਰੀ ਦੁਨੀਆਂ ਡਰਦੀ ਹੈ। ਇਸ ਸਿਸਟਮ ਅਪਣੀਆਂ ਮਿਜ਼ਾਈਲਾਂ ਨਾਲ ਦੁਸ਼ਮਣ ਦੀਆਂ ਬੈਲਿਸਟਿਕ ਅਤੇ ਕਰੂਜ਼ ਮਿਜ਼ਾਈਲਾਂ, ਲੜਾਕੂ ਜਹਾਜ਼ਾਂ ਨੂੰ 400 ਕਿਲੋਮੀਟਰ ਤੱਕ ਤਬਾਹ ਕਰ ਸਕਦਾ ਹੈ। ਇਹ ਮਿਜ਼ਾਈਲ ਜ਼ਮੀਨ ਤੋਂ 100 ਫੁੱਟ ਉਡਦੇ ਖਤਰਿਆਂ ਦੀ ਪਛਾਣ ਕਰਨ ਅਤੇ ਹਮਲਾ ਕਰਨ ਦੇ ਸਮਰੱਥ ਹੈ। ਭਾਰਤ ਨੇ ਪੂਰਬੀ ਅਤੇ ਪੱਛਮੀ ਸਰਹੱਦਾਂ ‘ਤੇ ਦੋ ਐਸ – 400 ਸਕੁਐਡਰਨ ਤਾਇਨਾਤ ਕੀਤੇ ਹਨ। ਤੀਜੇ ਸਕੁਐਡਰਨ ਨੂੰ ਪੰਜਾਬ ਵਿੱਚ ਇਸ ਤਰ੍ਹਾਂ ਤਾਇਨਾਤ ਕੀਤਾ ਗਿਆ ਹੈ ਕਿ ਪਾਕਿਸਤਾਨ ਸਰਹੱਦ ਦੇ ਨਾਲ – ਨਾਲ ਉੱਤਰੀ ਅਤੇ ਪੱਛਮੀ ਖੇਤਰਾਂ ਨੂੰ ਕਵਰ ਕਰੇ।