ਪੰਜਾਬ ਦੇ ਸਾਬਕਾ ਮੁੱਖ ਮੰਤਰੀ ‘ਤੇ ਜਲੰਧਰ ਤੋਂ ਮੌਜੂਦਾ ਐਮਪੀ ਚਰਨਜੀਤ ਸਿੰਘ ਚੰਨੀ ਸਮੇਤ 17 ਐਮਪੀਜ਼ ਨੂੰ ਮਿਲੇਗਾ “ਸੰਸਦ ਰਤਨ ਐਵਾਰਡ”

ਪੰਜਾਬ ਦੇ ਸਾਬਕਾ ਮੁੱਖ ਮੰਤਰੀ ‘ਤੇ ਜਲੰਧਰ ਤੋਂ ਮੌਜੂਦਾ ਐਮਪੀ ਚਰਨਜੀਤ ਸਿੰਘ ਚੰਨੀ ਸਮੇਤ 17 ਐਮਪੀਜ਼ ਨੂੰ ਮਿਲੇਗਾ “ਸੰਸਦ ਰਤਨ ਐਵਾਰਡ”
….

ਨਵੀਂ-ਦਿੱਲੀ/ਚੰਡੀਗੜ੍ਹ/18ਮਈ,2025(ਮਲਕੀਤ ਸਿੰਘ ਭਾਮੀਆ) :- ਪੰਜਾਬ ਦੇ ਸਾਬਕਾ ਮੁੱਖ ਮੰਤਰੀ ਅਤੇ ਮੌਜੂਦਾ ਐਮਪੀ ਚਰਨਜੀਤ ਸਿੰਘ ਚੰਨੀ ਨੂੰ “ਸੰਸਦ ਰਤਨ ਐਵਾਰਡ” ਮਿਲੇਗਾ। ਇੱਥੇ ਦਸਣਯੋਗ ਹੈ ਕਿ ਸੰਸਦ ਵਿੱਚ ਮਹੱਤਵਪੂਰਨ ਯੋਗਦਾਨ ਪਾਉਣ ਵਾਲੇ 17 ਐਮਪੀਜ਼ ਅਤੇ 02 ਸੰਸਦੀ ਸਥਾਈ ਕਮੇਟੀਆਂ ਨੂੰ “ਸੰਸਦ ਰਤਨ ਪੁਰਸਕਾਰ 2025 ਲਈ ਚੁਣਿਆ ਗਿਆ ਹੈ। ਇਹ ਪੁਰਸਕਾਰ ਸੰਸਦ ਵਿੱਚ ਸਰਗਰਮ ਭਾਗੀਦਾਰੀ, ਬਹਿਸਾਂ ਵਿੱਚ ਭਾਗੀਦਾਰੀ, ਸਵਾਲ ਪੁੱਛਣ ਅਤੇ ਵਿਧਾਨਕ ਕੰਮ ਵਿੱਚ ਯੋਗਦਾਨ ਦੇ ਅਧਾਰ ‘ਤੇ ਦਿੱਤੇ ਜਾਂਦੇ ਹਨ। ਇਹ ਪੁਰਸਕਾਰ ਪ੍ਰਾਈਮ ਪੁਆਇੰਟ ਫਾਊਂਡੇਸ਼ਨ ਦੁਆਰਾ ਸ਼ੁਰੂ ਕੀਤਾ ਗਿਆ ਹੈ। ਇਸ ਸਾਲ ਦੇ ਜੇਤੀਆਂ ਦੀ ਚੋਣ ਹੰਸਰਾਜ ਅਹੀਰ ( ਚੈਆਰਮੈਨ, ਰਾਸ਼ਟਰੀ ਪੱਛੜੇ ਵਰਗ ਕਮਿਸ਼ਨ ) ਦੀ ਅਗਵਾਈ ਵਾਲੀ ਜਿਊਰੀ ਕਮੇਟੀ ਦੁਆਰਾ ਕੀਤੀ ਗਈ ਸੀ। ਉਨ੍ਹਾਂ ਕਿਹਾ ਕਿ ਇਹ ਪੁਰਸਕਾਰ ਉਨ੍ਹਾਂ ਸੰਸਦ ਮੈਂਬਰਾਂ ਨੂੰ ਦਿੱਤੇ ਜਾਂਦੇ ਹਨ ਜਿੰਨ੍ਹਾਂ ਨੇ ਲੋਕਤੰਤਰ ਨੂੰ ਮਜਬੂਤ ਕਰਨ ਲਈ ਸੰਸਦ ਵਿੱਚ ਸ਼ਾਨਦਾਰ ਯੋਗਦਾਨ ਪਾਇਆ ਹੈ। ਚਾਰ ਸੰਸਦ ਮੈਂਬਰਾਂ ਨੂੰ ਉਨ੍ਹਾਂ ਦੇ ਸ਼ਾਨਦਾਰ ਕੰਮ ਲਈ ਕੀਤਾ ਗਿਆ ਸਨਮਾਨਿਤ ! ਚਾਰ ਸੰਸਦ ਮੈਂਬਰਾਂ ਨੂੰ ਸੰਸਦੀ ਲੋਕਤੰਤਰ ਵਿੱਚ ਉਨ੍ਹਾਂ ਦੇ ਸ਼ਾਨਦਾਰ ਅਤੇ ਨਿਰੰਤਰ ਯੋਗਦਾਨ ਲਈ ਵਿਸ਼ੇਸ਼ ਤੌਰ ‘ਤੇ ਸਨਮਾਨਿਤ ਕੀਤਾ ਜਾਵੇਗਾ। ਪ੍ਰਾਈਮ ਪੁਆਇੰਟ ਫਾਊਂਡੇਸ਼ਨ ਦੇ ਅਨੁਸਾਰ, ਇਹ ਚਾਰ ਸੰਸਦ ਮੈਂਬਰ 16ਵੀਂ ਅਤੇ 17ਵੀਂ ਲੋਕ ਸਭਾ ਵਿੱਚ ਸੰਸਦ ਵਿੱਚ ਸੱਭ ਤੋਂ ਵਧੀਆ ਪ੍ਰਦਸ਼ਨ ਕਰਨ ਵਾਲਿਆਂ ਵਿੱਚੋਂ ਇੱਕ ਰਹੇ ਹਨ ਅਤੇ ਅਪਣੇ ਮੌਜੂਦਾ ਕਾਰਜਕਾਲ ਵਿੱਚ ਵੀ ਲਗਾਤਾਰ ਸਰਗਰਮ ਹਨ, ਜਿੰਨ੍ਹਾਂ ਵਿੱਚ ਭਰਤਰੁਹਰੀ ਮਹਿਤਾਬ ( ਭਾਜਪਾ ), ਸੁਪ੍ਰੀਆ ਸੁਲੇ ( ਐਨਸੀਪੀ – ਸਪਾ ), ਐਨ ਆਫ ਪ੍ਰੇਮਚੰਦਰਨ ( ਆਰਐਸਪੀ ) ਅਤੇ ਸ਼੍ਰੀਰੰਗ ਮੱਧਾ ਬਰਨੇ ( ਸ਼ਿਵ ਸੈਨਾ ) ਸ਼ਾਮਲ ਹਨ। ਬਾਕੀ 13 ਸੰਸਦ ਮੈਂਬਰਾਂ ਨੂੰ ਵੀ ਉਨ੍ਹਾਂ ਦੇ ਖਾਸ ਸੰਸਦੀ ਕਾਰਜਾਂ ਲਈ ਚੁਣਿਆ ਗਿਆ ਹੈ ਜਿਨ੍ਹਾਂ ਨੇ ਵਿਚਾਰ – ਵਟਾਂਦਰੇ ਵਿੱਚ ਹਿੱਸਾ ਲੈਕੇ ਬਿੱਲਾਂ ‘ਤੇ ਸੁਝਾਅ ਦੇਕੇ ਅਤੇ ਪੂਰਨ ਭੂਮਿਕਾ ਨਿਭਾਈ ਹੈ। ਉਨ੍ਹਾਂ ਵਿੱਚ ਸਮਿਤਾ ਬਾਘ ( ਭਾਜਪਾ ), ਅਰਵਿੰਦ ਸਾਵੰਤ ( ਸ਼ਿਵ ਸੈਨਾ ਉਧਵ ਠਾਕਰੇ ਧੜ੍ਹਾ ), ਨਰੇਸ਼ ਗਣਪਤ ਮਰਸਕੇ ( ਸ਼ਿਵ ਮੋਨ ), ਵਰਸ਼ਾ ਗਾਇਕਵਾੜ ( ਕਾਂਗਰਸ ), ਮੇਧਾ ਕੁਲਕਰਨੀ ( ਭਾਜਪਾ ), ਪ੍ਰਵੀਨ ਪਟੇਲ ( ਭਾਜਪਾ ), ਰਵੀ ਕਿਸ਼ਨ ( ਭਾਜਪਾ ), ਨਿਸ਼ੀਕਾਂਤ ਦੂਬੇ ( ਭਾਜਪਾ ), ਵਿਦਯੁਕਤ ਬਰਨ ਮਹਤੋ ( ਭਾਜਪਾ ), ਪੀ ਪੀ ਚੌਧਰੀ ( ਭਾਜਪਾ ), ਮਦਨ ਰਠੋਰ ( ਭਾਜਪਾ ), ਸੀ ਐਨ ਮੀਨਾਦੁਰਾਈ ( ਡੀਐਮਕੇ ) ਅਤੇ ਦਿਲੀਪ ਸ਼ੈਕੀਆ ਭਾਜਪਾ ਸ਼ਾਮਲ ਹਨ ਅਤੇ ਖੇਤੀਬਾੜੀ ਬਾਰੇ ਸਥਾਈ ਕਮੇਟੀ ਦੇ ਪ੍ਰਧਾਨ ਪੰਜਾਬ ਦੇ ਸਾਬਕਾ ਮੁੱਖ ਮੰਤਰੀ ਅਤੇ ਮੌਜੂਦਾ ਮੈਂਬਰ ਪਾਰਲੀਮੈਂਟ ਚਰਨਜੀਤ ਸਿੰਘ ਚੰਨੀ ਸ਼ਾਮਿਲ ਹਨ।