Chandigarh – ਸਾਨੂੰ ਰਸਾਲਿਆਂ ਲਈ ਲਿਖਣਾ ਚਾਹੀਦਾ ਹੈ, ਇਹ ਗੁਣ ਹੀ ਸਾਨੂੰ ਅਤੇ ਸਾਡੀ ਭਾਸ਼ਾ ਨੂੰ ਬਚਾ ਸਕਦਾ ਹੈ – ਡਾ. ਸੰਗਮ ਵਰਮਾ

ਸਾਨੂੰ ਰਸਾਲਿਆਂ ਲਈ ਲਿਖਣਾ ਚਾਹੀਦਾ ਹੈ, ਇਹ ਗੁਣ ਹੀ ਸਾਨੂੰ ਅਤੇ ਸਾਡੀ ਭਾਸ਼ਾ ਨੂੰ ਬਚਾ ਸਕਦਾ ਹੈ – ਡਾ. ਸੰਗਮ ਵਰਮਾ

SangholTimes/15.12.2022/Bureau/Delhi-Chandigarh – ਗ੍ਰੇਟਰ ਨੋਇਡਾ, ਉੱਤਰ ਪ੍ਰਦੇਸ਼ ਵਿਖੇ ਹੋਏ ਅਭਿਵਿਅਕਤੀ ਸਨਮਾਨ ਸਮਾਰੋਹ ਦੌਰਾਨ ਡਾ. ਸੰਗਮ ਵਰਮਾ, ਸਹਾਇਕ ਪ੍ਰੋਫੈਸਰ, ਹਿੰਦੀ ਵਿਭਾਗ, ਪੀ.ਜੀ.ਜੀ.ਸੀ.ਜੀ.-42, ਚੰਡੀਗੜ੍ਹ ਨੂੰ ਸਨਮਾਨ ਚਿੰਨ੍ਹ ਦੇ ਕੇ ਸਨਮਾਨਿਤ ਕੀਤਾ ਗਿਆ। ਦੱਸਣਯੋਗ ਹੈ ਕਿ ਇਸ ਪ੍ਰੋਗਰਾਮ ਦਾ ਮੁੱਖ ਉਦੇਸ਼ ਭਾਸ਼ਾਵਾਂ ਦਾ ਤਾਲਮੇਲ ਸੀ। ਜਿੱਥੇ ਬੰਗਲਾ ਅਤੇ ਹਿੰਦੀ ਭਾਸ਼ਾ ਦੇ ਪ੍ਰਚਾਰ ਲਈ ਉਨ੍ਹਾਂ ਦੇ ਸਾਹਿਤ ਨੂੰ ਇੱਕ ਮੰਚ ‘ਤੇ ਲਿਆਉਣਾ ਸੀ, ਉੱਥੇ ਇਸ ਪ੍ਰੋਗਰਾਮ ਦੀ ਪ੍ਰਧਾਨਗੀ ਲਾਲ ਪਹਾੜਾਂ ਦੇ ਕਵੀ ਸ਼੍ਰੀ ਅਰੁਣ ਚੱਕਰਵਰਤੀ ਨੇ ਕੀਤੀ। ਮੁੱਖ ਮਹਿਮਾਨ ਦੇ ਤੌਰ ਤੇ ਕਲੀਪੜਾ ਚੱਕਰਵਰਤੀ ਅਤੇ ਅਰਣਯਕ ਬਸੂ ਇਸ ਸਮਾਗਮ ਵਿੱਚ ਵਿਸ਼ੇਸ਼ ਮਹਿਮਾਨ ਵਜੋਂ ਹਾਜ਼ਰ ਹੋਏ। ਸ਼੍ਰੀਮਤੀ ਡਾਲੀਆ ਮੁਖਰਜੀ ਸਮੁੱਚੇ ਪ੍ਰੋਗਰਾਮ ਦੀ ਕਨਵੀਨਰ ਸਨ, ਉਨ੍ਹਾਂ ਦੀ ਸੰਪਾਦਨਾ ਹੇਠ ਪ੍ਰਸਿੱਧ ਮੈਗਜ਼ੀਨ “ਅਭਿਵਿਅਕਤੀ” ਦਾ ਉਦਘਾਟਨ ਪਤਵੰਤਿਆਂ ਵੱਲੋਂ ਕੀਤਾ ਗਿਆ। ਬੰਗਾਲੀ ਸੱਭਿਆਚਾਰ ਨਾਲ ਸੰਬੰਧਤ ਬੱਚਿਆਂ ਵੱਲੋਂ ਮੰਚ ’ਤੇ ਲੋਕ ਨਾਚ ਵੀ ਪੇਸ਼ ਕੀਤੇ ਗਏ। ਇਸ ਦੌਰਾਨ ਚੰਡੀਗੜ੍ਹ ਤੋਂ ਡਾ. ਸੰਗਮ ਵਰਮਾ ਨੂੰ ਸਾਹਿਤ ਗੌਰਵ ਸਨਮਾਨ ਤਹਿਤ ਅਭਿਵਿਅਕਤੀ ਆਨਰ ਨਾਲ ਸਨਮਾਨਿਤ ਕੀਤਾ ਗਿਆ।।ਉਨ੍ਹਾਂ ਨੇ ਕਿਹਾ ਕਿ ਜਦੋਂ ਅਸੀਂ ਪੱਤ੍ਰਿਕਾਵਾਂ ਦੀ ਗੱਲ ਕਰਦੇ ਹਾਂ ਤਾਂ ਸਾਡੇ ਲਈ ਖਾਸ ਕਰਕੇ ਭਾਸ਼ਾਵਾਂ ਲਈ ਇਹ ਸਭ ਤੋਂ ਜ਼ਰੂਰੀ ਹੋ ਜਾਂਦਾ ਹੈ ਕਿ ਉਨ੍ਹਾਂ ਦੀ ਹੋਂਦ ਬਰਕਰਾਰ ਰਹੇ, ਨਵੀਂ ਪੀੜ੍ਹੀ ਨੂੰ ਪੜ੍ਹਨ-ਲਿਖਣ ਨਾਲੋਂ ਜ਼ਿਆਦਾ ਪ੍ਰਕਾਸ਼ਿਤ ਕਰਨ ਦੀ ਇੱਛਾ ਉਨ੍ਹਾਂ ਨੂੰ ਰਸਾਲਿਆਂ ਵਿਚ ਹੋਰ ਰਚਨਾਤਮਕਤਾ ਲਈ ਪ੍ਰੇਰਿਤ ਕਰਦੀ ਹੈ। ਸਾਨੂੰ ਰਸਾਲਿਆਂ ਲਈ ਲਿਖਣਾ ਚਾਹੀਦਾ ਹੈ ਅਤੇ ਇਹ ਗੁਣ ਹੀ ਸਿਰਫ਼ ਸਾਨੂੰ ਅਤੇ ਸਾਡੀ ਭਾਸ਼ਾ ਨੂੰ ਬਚਾ ਸਕਦਾ ਹੈ।