ਬਰਗਰ ਤੁਹਾਡੀ ਜ਼ਿੰਦਗੀ ਦੇ 9 ਮਿੰਟ ਅਤੇ ਕੋਕ ਤੁਹਾਡੀ ਜ਼ਿੰਦਗੀ ਦੇ 12 ਮਿੰਟ ਖਾਂਦਾ-ਡਾ. ਅਰਚਿਤਾ ਮਹਾਜਨ

ਅਮਰੀਕਾ ਦੀ ਯੂਨੀਵਰਸਿਟੀ ਆਫ ਮਿਸ਼ੀਗਨ ਦੇ ਖੋਜਕਰਤਾਵਾਂ ਨੇ ਇੱਕ ਅਧਿਐਨ ‘ਚ ਇਹ ਹੈਰਾਨ ਕਰਨ ਵਾਲਾ ਖੁਲਾਸਾ ਕੀਤਾ ਹੈ

ਹੁਣ ਵਿਸ਼ਵਾਸ ਕਰੋਂ। ਬਣਾਉਂਣ ਅਤੇ ਵੇਚਣ ਵਾਲੇ ਆਪ ਹੀ ਕਹਿ ਰਹੇ ਹਨ ਕਿ ਇਹ ਜ਼ਹਿਰ ਹੈ

BATALA/SANGHOL-TIMES/BUREAU/14 DEC.,2024 –

ਪਦਮ ਭੂਸ਼ਣ ਰਾਸ਼ਟਰੀ ਪੁਰਸਕਾਰ ਲਈ ਨਾਮਜ਼ਦ ਅਤੇ ਪੰਜਾਬ ਸਰਕਾਰ ਵੱਲੋਂ ਸਨਮਾਨਿਤ ਡਾ. ਅਰਚਿਤਾ ਮਹਾਜਨ, ਨਿਊਟ੍ਰੀਸ਼ਨ ਡਾਇਟੀਸ਼ੀਅਨ ਅਤੇ ਚਾਈਲਡ ਕੇਅਰ ਹੋਮਿਓਪੈਥਿਕ ਫਾਰਮਾਸਿਸਟ ਅਤੇ ਸਿਖਲਾਈ ਪ੍ਰਾਪਤ ਯੋਗਾ ਟੀਚਰ ਨੇ ਕਿਹਾ ਕਿ ਪਿਛਲੇਂ ਕੁੱਝ ਸਾਲਾਂ ਤੋਂ ਮੈਂ ਲਗਾਤਾਰ ਇਹ ਕਹਿ ਰਹੀ ਹਾਂ ਕਿ ਇਹ ਬਰਗਰ, ਪੀਜ਼ਾ, ਫਾਸਟ ਫੂਡ ਅਤੇ ਖਾਸ ਕਰਕੇ ਕੋਕ ਸਾਡੀ ਜ਼ਿੰਦਗੀ ਹੈ। ਪਰ ਮੇਰਾ ਲੇਖ ਪੜ੍ਹ ਕੇ ਲੋਕਾਂ ਨੂੰ ਯਕੀਨ ਨਹੀਂ ਹੋਇਆ ਪਰ ਹੁਣ ਅਮਰੀਕਾ ਦੀ ਮਿਸ਼ੀਗਨ ਯੂਨੀਵਰਸਿਟੀ ਦੇ ਖੋਜਕਾਰਾਂ ਨੇ ਇੱਕ ਅਧਿਐਨ ਵਿੱਚ ਇਹ ਹੈਰਾਨ ਕਰਨ ਵਾਲਾ ਖੁਲਾਸਾ ਕੀਤਾ ਹੈ। ਬਰਗਰ ਖਾਣ ਨਾਲ ਉਮਰ 9 ਮਿੰਟ ਘੱਟ ਜਾਂਦੀ ਹੈ ਅਤੇ ਕੋਕ ਪੀਣ ਨਾਲ ਉਮਰ 12 ਮਿੰਟ ਘੱਟ ਜਾਂਦੀ ਹੈ। ਇਨ੍ਹਾਂ ਭੋਜਨਾਂ ਵਿੱਚ ਖੰਡ, ਨਮਕ ਅਤੇ ਗੈਰ-ਸਿਹਤਮੰਦ ਚਰਬੀ ਦੀ ਮਾਤਰਾ ਜ਼ਿਆਦਾ ਹੁੰਦੀ ਹੈ, ਜੋ ਸਾਡੀ ਸਿਹਤ ਲਈ ਹਾਨੀਕਾਰਕ ਹੋ ਸਕਦੀ ਹੈ, ਇਸ ਅਧਿਐਨ ਵਿੱਚ ਪਾਇਆ ਗਿਆ ਕਿ ਜੋ ਲੋਕ ਨਿਯਮਤ ਤੌਰ ‘ਤੇ ਕੋਕ ਅਤੇ ਬਰਗਰ ਵਰਗੇ ਪ੍ਰੋਸੈਸਡ ਭੋਜਨਾਂ ਦਾ ਸੇਵਨ ਕਰਦੇ ਹਨ, ਉਨ੍ਹਾਂ ਦੀ ਮੌਤ ਦਰ ਜ਼ਿਆਦਾ ਹੁੰਦੀ ਹੈ। ਇਸ ਤੋਂ ਇਲਾਵਾ, ਇਨ੍ਹਾਂ ਭੋਜਨਾਂ ਦਾ ਸੇਵਨ ਕਰਨ ਨਾਲ ਸਾਡੇ ਸਰੀਰ ਵਿਚ ਕਈ ਤਰ੍ਹਾਂ ਦੀਆਂ ਬਿਮਾਰੀਆਂ ਹੋਣ ਦਾ ਖ਼ਤਰਾ ਵੱਧ ਜਾਂਦਾ ਹੈ, ਜਿਵੇਂ ਕਿ ਸ਼ੂਗਰ, ਦਿਲ ਦੇ ਰੋਗ ਅਤੇ ਮੋਟਾਪਾ, ਸਾਨੂੰ ਆਪਣੇ ਭੋਜਨ ਵਿੱਚ ਸਿਹਤਮੰਦ ਅਤੇ ਪੌਸ਼ਟਿਕ ਭੋਜਨ ਸ਼ਾਮਲ ਕਰਨਾ ਚਾਹੀਦਾ ਹੈ, ਜਿਵੇਂ ਕਿ ਫ਼ਲ, ਸਬਜ਼ੀਆਂ, ਸਾਬਤ ਅਨਾਜ ਅਤੇ ਚਰਬੀ ਵਾਲੇ ਪ੍ਰੋਟੀਨ ਹਨ।