ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ 27 ਜੁਲਾਈ ਨੂੰ ਕਰਨਗੇ ਹਲਵਾਰਾ ਏਅਰਪੋਰਟ ਦਾ ਵਰਚੁਅਲੀ ਉਦਘਾਟਨ *हलवारा इंटरनेशनल एयरपोर्ट – प्रधानमंत्री नरेंद्र मोदी 27 जुलाई को एयरपोर्ट का वर्चुअल उद्घाटन करेंगे
संघोल टाइम्स न्यूज़
1 min read
ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ 27 ਜੁਲਾਈ ਨੂੰ ਕਰਨਗੇ ਹਲਵਾਰਾ ਏਅਰਪੋਰਟ ਦਾ ਵਰਚੁਅਲੀ ਉਦਘਾਟਨ
70 ਕਰੋੜ ਦੀ ਲਾਗਤ ਨਾਲ ਹੋਇਆ ਤਿਆਰ
ਲੁਧਿਆਣਾ/SANGHOL-TIMES/18 ਜੁਲਾਈ,2025 (ਮਲਕੀਤ ਸਿੰਘ ਭਾਮੀਆਂ ) :- ਪੰਜਾਬ ਵਾਸੀਆਂ ਲਈ ਖੁਸ਼ਖਬਰੀ ਹੈ। ਲੁਧਿਆਣਾ ਤੋਂ ਲੱਗਭਗ 31 ਕਿਲੋਮੀਟਰ ਦੂਰ ਰਾਏਕੋਟ ਕਸਬੇ ਵਿੱਚ ਸਥਿਤ ਹਲਵਾਰਾ ਇੰਟਰਨੈਸ਼ਨਲ ਏਅਰਪੋਰਟ ਤੋਂ ਉਡਾਣਾਂ ਜਲਦ ਸ਼ੁਰੂ ਹੋਣ ਵਾਲੀਆਂ ਹਨ। 27 ਜੁਲਾਈ ਨੂੰ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਏਅਰਪੋਰਟ ਦਾ ਵਰਚੁਅਲ ਉਦਘਾਟਨ ਕਰਨਗੇ। ਕੈਬਨਿਟ ਮੰਤਰੀ ਸੰਜੀਵ ਅਰੋੜਾ ਨੇ ਪ੍ਰੈਸ ਕਾਨਫਰੰਸ ਦੌਰਾਨ ਇਸ ਬਾਰੇ ਜਾਣਕਾਰੀ ਦਿੱਤੀ। ਵਰਚੁਅਲ ਉਦਘਾਟਨ ਦੇ ਬਾਅਦ ਜਲਦ ਹੀ ਫਲਾਇਟਾਂ ਨੂੰ ਸ਼ੁਰੂ ਕਰਵਾ ਦਿੱਤਾ ਜਾਵੇਗਾ ਤਾਂ ਜੋ ਕਾਰੋਬਾਰੀਆਂ ‘ਤੇ ਲੋਕਾਂ ਨੂੰ ਰਾਹਤ ਮਿਲ ਸਕੇ। ਇੱਥੇ 172 ਸੀਟਾਂ ਵਾਲਾ ਜਹਾਜ਼ ਅਸਾਨੀ ਨਾਲ਼ ਉਤਰ ਸਕੇਗਾ। ਹਲਵਾਰਾ ਵਿੱਚ ਬਣਿਆ ਏਅਰਪੋਰਟ 161,28 ਏਕੜ ਵਿੱਚ ਫੈਲਿਆ ਹੈ। ਇਸ ਖੇਤਰ ਵਿੱਚ ਬਣਿਆ ਟਰਮੀਨਲ ਏਰੀਆ 2000 ਵਰਗ ਮੀਟਰ ਹੈ। ਜ਼ਮੀਨ ਨੂੰ ਛੱਡ ਕੇ ਕੁੱਝ ਪਰਿਯੋਜਨਾ ਲਾਗਤ 70 ਕਰੋੜ ਰੁਪਏ ਹੈ। ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਵੀ ਹਲਵਾਰਾ ਵਿੱਚ ਮਾਡਰਨ ਸਿਵਲ ਟਰਮੀਨਲ ਦੇ ਨਿਰਮਾਣ ਕੰਮ ਲਈ 50 ਕਰੋੜ ਰੁਪਏ ਪਹਿਲਾਂ ਹੀ ਜਾਰੀ ਕਰ ਦਿੱਤੇ ਸਨ। ਜ਼ਿਕਰਯੋਗ ਹੈ ਕਿ ਲੁਧਿਆਣਾ ਵਿੱਚ ਏਅਰਪੋਰਟ ਬਣਾਉਣ ਦੀ ਯੋਜਨਾ 2007 ਵਿੱਚ ਪਾਸ ਹੋਈ ਸੀ। 2010 ਵਿੱਚ ਸਾਬਕਾ ਪ੍ਰਧਾਨ ਮੰਤਰੀ ਡਾ ਮਨਮੋਹਨ ਸਿੰਘ ਨੇ ਇਸ ਦਾ ਨੀਂਹ ਪੱਥਰ ਰੱਖਣਾ ਸੀ, ਪਰ ਕਿਸੇ ਕਾਰਨ ਕਰਕੇ ਸਾਰੀਆਂ ਤਿਆਰੀਆਂ ਦੇ ਬਾਵਜੂਦ ਇਹ ਕੰਮ ਨਹੀਂ ਹੋ ਸਕਿਆ। ਦਸੰਬਰ 2018 ਵਿੱਚ ਇਸ ਯੋਜਨਾ ‘ਤੇ ਦੁਬਾਰਾ ਕੰਮ ਸ਼ੁਰੂ ਹੋਇਆ। ਇਸ ਵਿੱਚ ਏਅਰਪੋਰਟ ਅਥਾਰਟੀ ਆਫ ਇੰਡੀਆ ਦੀ 51 ਫੀਸਦੀ ‘ਤੇ ਪੰਜਾਬ ਸਰਕਾਰ ਦੀ 49 ਫੀਸਦੀ ਹਿੱਸੇਦਾਰੀ ਸੀ। ਹਲਵਾਰਾ ਵਿੱਚ ਰਨਵੇ ‘ਤੇ ਇੰਸਟਰੂਮੈਂਟ ਸਿਸਟਮ ਹੈ ਜਿਸ ਨਾਲ ਜਹਾਜ਼ ਘੌਟ ਉਚਾਈ ‘ਤੇ ਵੀ ਉਤਰ ਸਕਦੇ ਹਨ। ਇਸ ਵਿੱਚ ਲੁਧਿਆਣਾ ਦੇ ਲੋਕ ਹਲਵਾਰਾ ਇੰਟਰਨੈਸ਼ਨਲ ਏਅਰਪੋਰਟ ਦੇ ਸ਼ੁਰੂ ਹੋਣ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ। ਸੂਤਰਾਂ ਮੁਤਾਬਕ ਹਲਵਾਰਾ ਹਵਾਈ ਅੱਡੇ ਵਿੱਚ 172 ਬੋਇੰਗ ਉਡਾਣਾਂ ਨੂੰ ਸੰਭਾਲਣ ਦੀ ਸਮਰੱਥਾ ਹੋਵੇਗੀ ਜਦੋਂ ਕਿ ਸਾਹਨੇਵਾਲ ਵਿੱਚ 172 ਮੀਟਰ ਏਟੀਅਰ ਉਡਾਣਾਂ ਦੀ ਸਮਰੱਥਾ ਹੈ। ਹਵਾਈ ਅੱਡੇ ਦੀ ਇਮਾਰਤ ਵਿੱਚ ਕੌਮਾਂਤਰੀ, ਘਰੇਲੂ ‘ਤੇ ਕਾਰਗੋ ਟਰਮੀਨਲ ਸਣੇ 5 ਟਰਮੀਨਲ ਹੋਣਗੇ। ਰਨਵੇ ਦੀ ਲੰਬਾਈ ਅੱਜੇ ਏਅਰ ਅਥਾਰਟੀ ਨੇ ਸਾਂਝੀ ਨਹੀਂ ਕੀਤੀ। ਏਅਰਪੋਰਟ ਸ਼ੁਰੂ ਹੋਣ ਦੇ ਬਾਅਦ ਸਭ ਤੋਂ ਪਹਿਲਾਂ ਘਰੇਲੂ ਉਡਾਣਾਂ ਸ਼ੁਰੂ ਹੋਣਗੀਆਂ। ਜਿਸਦੇ ਬਾਅਦ ਏਈਆਈ ( AEI ) ਅੰਤਰਰਾਸ਼ਟਰੀ ਉਡਾਣਾਂ ਸ਼ੁਰੂ ਕਰੇਗਾ। ਕੌਮਾਂਤਰੀ ਉਡਾਣਾਂ ਸ਼ੁਰੂ ਹੋਣ ਦੇ ਬਾਅਦ ਸੱਭ ਤੋਂ ਵੱਧ ਫਾਇਦਾ ਉਨ੍ਹਾਂ ਲੋਕਾਂ ਨੂੰ ਹੋਵੇਗਾ ਜੋ ਵਿਦੇਸ਼ ਜਾਣ ਲਈ ਅੰਮ੍ਰਿਤਸਰ, ਮੋਹਾਲੀ ‘ਤੇ ਦਿੱਲੀ ਜਾਂਦੇ ਸੀ। ਉਨ੍ਹਾਂ ਨੂੰ ਦੁਬਾਰਾ ਉੱਥੇ ਨਹੀਂ ਜਾਣਾ ਪਵੇਗਾ। ਉਦਯੋਗਪਤੀਆਂ ਲਈ ਬਹੁਤ ਸਹੂਲਤ ਹੋਵੇਗੀ।
